LSS MFL 2019/20 Liqasının XXIII turu: “Tiyaqani”dən darmadağın, “Lokomotiv Baku”dan vacib qələbə – FOTO – VİDEO
Azərbaycanın futbol üzrə ən böyük həvəskarlar liqası olan LSS MFL 2019/20-də 23-cü turun oyunları keçirilib.
1news.az-ın verdiyi xəbərə görə, həm İnfinity, həm də Platinum konferensiyalarında çıxış edən komandalar arasında “MFL Arena”nın meydanlarında keçirilən görüşlər hər zamankı kimi gərgin mübarizə şəraitində keçib.
Qeyd edək ki, 23-cü turda İnfinity konferensiyasının ən qollu qarşılaşması “Army United” – “Baku Eagles” oyunu olub – 13 qol. Rəqibinə 9:4 hesabı ilə qalib gələn “qartallar” meydanı üç xalla tərk ediblər.
Çempionluq uğrunda mübarizə aparan “Tiyaqani” “Kontakt Home” komandasını meydana çıxmağa peşman edib. Belə ki, rəqibinin qapısından 6 cavabsız top keçirən birincilər qələbəni qeyd ediblər.
“Baku Juniors” isə ”Driffters”in qapısına 5 dəfə yol tapıb. İkincilərin gücü yalnız təsəlli qoluna çatıb.
23-cü turda Platinum konferensiyasında ən qollu görüş “Khazar FC” – “Ataman” oyunu oldu – 12 qol. Rəqibinə 9:3 hesabı ilə qalib gələn “Ataman” növbəti üç xalını qazandı. “AgroSport” isə 7:4 heabı ilə “Gres Severnıy” komandasından üstün oldu.
Turun mərkəzi qarşılaşması “Peçat Dönər”lə “Lokomotiv Baku” komandaları arasında baş tutub. Kifayət qədər gərgin mübarizə şəraitində keçən görüşdə güclü rəqibinə 4:1 hesabı ilə qalib gələn “Lokomotiv Baku” sevinən tərəf olub. “Dönərçilər” isə dördüncü dəfə məğlubiyyət acısı dadıblar.
23-cü turun ən yaddaqalan məqamlarını və qısa icmalını təqdim edirik:
İnfinity konferensiyasının şəriksiz lideri olan “Squadra” komandasının böyük təcrübəyə malik olan həkimi Səbuhi Hacıyev bizə müsahibəsində həm çalışdığı komanda, həm də ki, ümumi olaraq həkimlik təcrübəsi barədə bəzi suallarımızı cavabladı. Buyurub izləyə bilərsiniz.
Geridə qalan 23 turdan sonra MFL 2019/2020-ci il mövsümünün İnfinity konferensiyasında ilk 8-lik belədir:
Turnir cədvəlinin tamamına burada baxa bilərsiniz.
Geridə qalan 23 turdan sonra MFL 2019/2020-ci il mövsümünün Platinum konferensiyasında ilk 8-lik belədir:
Turnir cədvəlinin tamamına burada baxa bilərsiniz.
LSS MFL 2019/20 Liqası – Leading Supply Solutions LLC, BOS SHELF LLC, McDonald's Azerbaijan, Muğanbank, Sabah Futbol Klubu, Carlsberg Azerbaijan və GoSport Baku-nun sponsorluğu ilə keçirilir.
Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.
1news.az
