Yol polisinin “BMW”-ləri satışa çıxarıldı
Əmlak Məsələləri Dövlət Komitəsi fevralın 13-də dövlət əmlakının özəlləşdirilməsi üzrə növbəti hərrac keçirəcək.
Komitədən 1news.az-a verilən məlumata görə, qeyri-yaşayış sahələri ilə yanaşı dövlət qurumlarının bir sıra nəqliyyat vasitələri də hərraca çıxarılacaq.
Hərraca çıxarılan avtomobillər arasında Daxili İşlər Nazirliyinin tabeliyində olan “BMW-320” markalı avtomobilləri də var.
Komitənin dərc etdiyi siyahıda 2007-ci ildə istehsal edilən “BMW-320”-nin hərrac qiyməti 5200 manatdan başlayır.
DİN-nin tabeliyində olan və satışa çıxarılan “BMW-320” markalı avtomobillərin sayı 7-dir. Hərrac fevralın 13-də keçiriləcək.
Siyahı ilə bu linkdən tanış ola bilərsiniz.
1news.az
1704