1news.az

Tarix Muzeyinə sovet ordusunun general-mayorunun kortik və qol saatı bağışlanılıb – FOTO

11 Yanvar saat 23:45 ~ 1 dəqiqəlik oxu 354
Tarix Muzeyinə sovet ordusunun general-mayorunun kortik və qol saatı bağışlanılıb – FOTO

Milli Azərbaycan Tarixi Muzeyi milli mədəniyyətimizin öyrənilməsində, təbliğində əhəmiyyətli rol oynayan materialların əldə olunmasına xüsusi diqqət yetirir və mütəmadi olaraq yeni hədiyyələrlə zənginləşir.

1news.az-ın məlumatına görə, Muzeyə Firuzə Hacıbaba qızı Zeynalova tərəfindən yeni hədiyyələr – sovet ordusunun general-mayoru Hacıbaba Zeynalova məxsus kortik və qol saatı bağışlanılıb.

Kortikin dəstəyi açıq qəhvəyi rənglidir, baş hissəsi qızıl suyuna salınmış latundandır. Dəstəyin üzərində SSRİ-nin qerbi və beş güşəli ulduz, tiyənin üzərində isə “1955” və “NM 0784” yazısı həkk olunub. Kortikin qını qara dəridəndir, üzərinə 3 ədəd lövhə bərkidilib. Qının baş hissəsinin bir üzündə Moskva Kremlinin Spas qülləsi, digər üzündə isə ulduzun içərisində oraq və çəkic təsvir olunub.

Digər eksponat - korpusu sarı metaldan olan qol saatıdır. Hədiyyənin arxa hissəsində rus dilində - “Генерал-майору запаса Зейналову Г. В день 50-летия Вооруженных сил. От министра обороны СССР”. “Противоударные. Пылезашитные. 2214” yazısı həkk olunub.

Qəbul edilən materiallar muzeyin Hədiyyələr və Xatirə Əşyaları fondunda mühafizə olunur.

1news.az

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2017 "The First News" İnformasiya Agentliyi,,
Bütün hüquqlar qorunur
entonee.net