“Sabah” FK “Dostluq üçün futbol” layihəsi çərçivəsində Azərbaycanı Madriddə təmsil edəcək | 1news.az | Xəbərlər
Futbol

“Sabah” FK “Dostluq üçün futbol” layihəsi çərçivəsində Azərbaycanı Madriddə təmsil edəcək

10:10 - 05 / 04 / 2019
“Sabah” FK “Dostluq üçün futbol” layihəsi çərçivəsində Azərbaycanı Madriddə təmsil edəcək

“Sabah” futbol klubu (FK) bu il 7-ci dəfə təşkil olunacaq “Dostluq üçün futbol” (Football for Friendship) sosial layihəsinin iştirakçısı olacaq.

1news.az-ın verdiyi xəbərə görə, mayın 28-dən iyunun 2-dək İspaniyanın paytaxtı Madriddə baş tutacaq idman turnirində klubun üzvləri də iştirak edəcək.

Turnir 2013-cü ildən təşkil edilir. Yarışda bir çox ölkədən gəlmiş 12 yaşadək uşaqlar müxtəlif komandalara bölünürlər. Komandalar qrup və pley-off oyunlarından sonra qalibi müəyyənləşdirirlər.

Yarışın builki iştirakçıları Çempionlar Liqasının 2018/19 mövsümünün “Vanda Metropolitano” stadionunda baş tutacaq final görüşünə canlı baxmaq imkanı qazanacaqlar. Klub yaxın günlərdə Azərbaycanı təmsil edəcək iştirakçılar barədə ətraflı məlumat verəcək.

Azərbaycanı Madriddə “Sabah”ın üç futbolçusu və bir məşqçisi təmsil edəcək. Futbolçular arasında qız da var. Həmçinin Azərbaycanı Madriddə gənc jurnalist də təmsil edəcək. Gənc jurnalist turniri işıqlandıracaq.

1news.az-la söhbət zamanı “Sabah”ın seleksiya şöbəsinin rəhbəri İlqar İsrafilov “Dostluq üçün futbol” (Football for Friendship) sosial layihəsində iştirakdan danışıb:

“Təşkilatçılar klubumuzu bu layihədə iştiraka dəvət etdi. “Sabah” gənc klubdur, bizim güclü uşaq akademiyamız var. Hesab etdik ki, bu layihədə iştirak bizə hərtərəfli maraqlı olacaq. Həmçinin marketinq nöqteyi-nəzərindən də maraqlıdır.

Klubda 12 yaşa qədər güclü uşaq komandamız var. Onlar arasında “Izmir Cup”ın qalibləri də var. Ötən mövsümdə U-12 komandamız ölkə çempionu oldu. Qolkiper və hücumçumuz turnirin ən yaxşıları elan edildi.

Madridə üç yetirməmiz: iki oğlan və bir qız yollanacaq. Onlarla birlikdə U-12 komandasının uğur qazanmasında böyük rol oynamış məşqçi də gedəcək. İstəyirik ki, “Dostluq üçün futbol” (Football for Friendship) sosial layihəsinin turnirində ən yaxşı oyunçularımız iştirak etsin. Axı onlar təkcə “Sabah” futbol klubunu deyil, bütün Azərbaycanı təmsil edəcək. Artıq iştirakçılar seçilib, sənədləşmə işləri ilə məşğuluq”.

Öz növbəsində  “Dostluq üçün futbol” (Football for Friendship) sosial layihəsinin Azərbaycan nümayəndəliyinin rəhbəri Rüstəm Əzimov ölkəmizi bu cür qlobal layihədə təmsil etməyin vacibliyindən danışıb:

“Dostluq üçün futbol” layihəsi yaşından, cinsindən, fiziki imkanlarından asılı olmayaraq insanları sülh və dostluğu öyrədir. Çox şadam ki, “Sabah” futbol klubu yerli klub olaraq proqramda iştirak edəcək. “Sabah” uşaq futboluna xüsusi diqqət ayırır. Düşünürəm ki, layihədə iştirak uşaqlara, eləcə də məşqçiyə qiymətsiz təcrübə verəcək”.

Qeyd edək ki, “Dostluq üçün futbol” beynəlxalq uşaq sosial proqramı 2013-cü ildən keçirilir. Layihə dünyanın müxtəlif millətləri, müxtəlif yaşlarında və müxtəlif fiziki imkanlarında olan gəncləri birləşdirir. Layihənin məqsədi – uşaq futbolunu inkişaf etdirərək uşaqlarda digər xalqlar və mədəniyyətlərə etiram və tolerantlığı tərbiyə etməkdir. İştirakçıların dəstəkləyib irəliyə apardığı əsas dəyərlər – dostluq, bərabərlik, ədalət, sağlamlıq, sülh, sədaqət, qələbə, ənənələr və şərəfdir.

Layihə çərçivəsində Dostluq və Futbol Beynəlxalq Gününə həsr olunmuş tədbirlər də keçiriləcək. Sülh, dostluq, bərabərlik və sağlam həyat tərzini təbliğ edən bu cür aksiyalar Avropa, Asiya, Afrika, Şimali və Cənubi Amerikada da keçirilir. Minlərlə uşaq və yeniyetmələr yoldaşlıq oyunlarında, açıq məşqlərdə, fleşmob, telemarafon və idman bayramlarında iştirak edir. İştirakçıları bütün dünyadan məşhur furbolçular, məşqçilər, aparıcı və artistlər dəstəkləyir.

Xatırladaq ki, 2017-ci ildə Azərbaycanı təmsil edən Rəvan Kazımov turnirin qaliblərindən biri olub.

Azərbaycanlı uşaqlar “Dostluq üçün futbol” beynəlxalq sosial proqramında təmsil olunacaq

MFL “Dostluq üçün futbol” layihəsində ustad dərsləri keçəcək – FOTO

“Dostluq üçün futbol” turnirində azərbaycanlı nümayəndə qapıçı kimi çıxış edəcək – FOTO – VİDEO

Azərbaycanlı məşhur modelyer “Dostluq üçün futbol” layihəsini dəstəklədi – FOTO

S.Xankişiyeva

 

Paylaş:
1472

Son xəbərlər

TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07Səhiyyə Nazirliyi bayram günləri ilə bağlı əhaliyə müraciət edibBu gün, 08:58DYP hərəkət iştirakçılarına hava ilə bağlı müraciət edibBu gün, 08:51Bakının bir sıra yollarında tıxac yaranıbBu gün, 08:44Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48Cənubi Qafqazın sülh təşəbbüskarları18 / 03 / 2024, 16:34“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34Böyük Britaniya kralı III Çarlz vəfat edib18 / 03 / 2024, 16:20“Gənclik” metrostansiyasının yanında yeni nəqliyyat mübadilə mərkəzi yaradılıb18 / 03 / 2024, 16:13İlham Əliyev Xankəndinin Azərbaycan torpağı olması ilə bağlı bir sıra faktları açıqlayıb18 / 03 / 2024, 16:04Xankəndinin mərkəzi meydanına “Zəfər meydanı” adı verilib18 / 03 / 2024, 15:58
Bütün xəbərlər