İranda qəzaya uğrayan təyyarədə sağ qalan olmayıb – YENİLƏNİB

İranda qəzaya uğrayan sərnişin təyyarəsində olan 60 sərnişin və 6 heyət üzvü həyatını itirib.

Bu barədə İranın İSNA agentliyi sərnişin təyyarəsinin məxsus olduğu "Aseman Airlines" aviaşirkətinə istinadən məlumat yayıb.

Qəza zamanı sağ qalan olmayıb.

12.07

İranda paytaxt Tehrandan Yasuç şəhərinə uçan “Aseman Airlines” aviaşirkətinə məxsus "ART-72" tipli sərnişin təyyarəsi İsfahan vilayətinin Semiron rayonunda qəzaya uğrayıb.

Yerli vaxtla səhər saat 08.00-da Tehrandan havaya qalxan sərnişin təyyarəsi 50 dəqiqə sonra qəzaya uğrayıb.

Təyyarənin göyərtəsində 66 nəfər var. Bölgəyə xilasedici dəstələrin olduğu vertolyotlar göndərilsə də, sıx duman səbəbindən qəza baş verən ərazidə təyyarənin qalıqlarını aşkar etmək mümkün olmayıb.

11.53

İranda sərnişin təyyarəsi qəzaya uğrayıb.

1news.az-ın RİA Novosti-yə istinadla verdiyi xəbərə görə, təyyarə Tehran-Yasuc aviareysini yerinə yetirmiş.

Göyərtəsində 60 sərnişin olan təyyarə İsfahan əyalətində qəzaya uğrayıb. Həlak olanlar və ya yaralılar haqda məlumat yoxdur.

S.Xankişiyeva