Faiq Əliyev: Birgə təlimlərin hava qüvvələrimiz üçün çox böyük üstünlükləri var | 1news.az | Xəbərlər
Siyasət

Faiq Əliyev: Birgə təlimlərin hava qüvvələrimiz üçün çox böyük üstünlükləri var

15:43 - 26 / 09 / 2017
Faiq Əliyev: Birgə təlimlərin hava qüvvələrimiz üçün çox böyük üstünlükləri var

Sentyabrın 18-dən başlayaraq Azərbaycan və Türkiyə Hərbi Hava Qüvvələrinin “TurAz Qartalı-2017” birgə taktiki uçuş təlimləri davam edir. Təlimlərə iki ölkənin hərbi hava qüvvələrinə məxsus “MiQ-29”, “F-16”, “Su-25”, “C-130 Herkules”, “A-400 M”, “CASA CN-235” təyyarələri və “Mi-35”, “Mi-17”, “Sikorski S-70” helikopterlərindən ibarət 30-dək aviasiya vasitəsi qatılıb.

1news.az-ın AZƏRTAC-a istinadla verdiyi xəbərə görə, təlimlərdə iki ölkənin hərbi hava qüvvələri birləşmiş əməliyyatların planlaşdırılaraq həyata keçirilməsi üzrə qarşılıqlı fəaliyyət və döyüş uzlaşması imkanlarını yoxlamaq, birgə hava döyüşləri, yer hədəflərinə hücum, hava hücumuna qarşı sistemlərə birgə döyüş fəaliyyətinin aparılması, hava məkanındakı uçuş zonalarını, ərazidəki qalxma-enmə zolaqlarını, marşrut üzrə aeronaviqasiya vəziyyətini öyrənmək, uçuş, enmə və ehtiyat aerodromlardakı şəraitlə tanış olmaq məqsədilə uçuşlar həyata keçirirlər.

Keçirilən birgə təlimlərin ssenarisinə əsasən döyüş təyyarələri və helikopterlər uçuşlar keçirməklə təlim-döyüş tapşırıqlarını uğurla icra edirlər. Sentyabrın 26-da birgə təlimlər çərçivəsində “F-16”, “MiQ-29” və “Su-25” döyüş təyyarələri şərti hədəfi məhv etmək üçün havaya qalxıblar. Həmçinin “MiQ-29” və “F-16” təyyarələri birlikdə uzaq, orta və yaxın məsafəli şərti hava döyüşü tədbirlərini icra ediblər. Təlimlər zamanı “SU-25” və “F-16” təyyarələri yer hədəfinə birgə fəaliyyət yerinə yetirəcək, “MiQ-29” təyyarələri onların hücumunun qarşısını almağa çalışacaq. Azərbaycan pilotları Türkiyə təyyarələrində, türk şahinləri isə bizim təyyarələrdə uçuşlar həyata keçirirlər.

Azərbaycan Hərbi Hava Qüvvələrinin baş şturmanı, polkovnik Faiq Əliyev AZƏRTAC-a müsahibəsində bildirib ki, Azərbaycan və Türkiyə pilotlarının birgə iştirakı ilə artıq 5-ci dəfədir keçirilən bu təlimlər böyük əhəmiyyətə malikdir: “Təlimlərdə Türkiyənin hava qüvvələrinin helikopter və döyüş təyyarələri də iştirak edir. Şərti olaraq döyüş tapşırıqlarını birgə yerinə yetirməkdə heç bir problem yoxdur. Biz artıq döyüş tapşırığını yüksək səviyyədə yerinə yetirmə vəziyyətinə çatmışıq. Hazırda Türkiyə tərəfindən 3 ədəd “F-16”, 2 ədəd “Sikorski S-70” helikopteri, dəniz qüvvələrinin təyyarələri və yük təyyarələri, Azərbaycan tərəfindən çoxlu sayda “MiQ-29”, “Su-25” təyyarələri və helikopterlər uçuşları yerinə yetirir. Ümumilikdə təlimlərə 30-dan çox döyüş texnikası cəlb edilib. Təlimlərə Türkiyədən 170-dən çox şəxsi heyət qatılıb. Bu təlimlərin Azərbaycan hava qüvvələri üçün çox böyük üstünlükləri var. Çalışırıq ki, çoxmillətli birgə beynəlxalq təlimlərə hazırlaşaq”.

Polkovnik Türkiyədə 15-ə yaxın ölkənin birgə iştirakı ilə keçirilən “Anadolu qartalı” təlimlərindən də danışaraq deyib: “Gələcəkdə həmin təlimlərdə də təmsil olunmaq istəyirik. Biz sovet taktikasını bilirik. NATO taktikasını da öyrənmişik. İndi bizim aviasiya qüvvələri bu iki taktikanın birləşməsindən yeniliklər əldə edir. Sovet və NATO təyyarələrində elektronika sistemi, sürət və hündürlükölçmə, naviqasiya sistemləri, həmçinin pilotların öyrədilməsi metodu da fərqlidir. Azərbaycan və Türkiyə arasında ilk təlimlərlə müqayisədə pilotlarımız indiyədək bir çox yeniliyi öyrəniblər. Pilotlarımız bir-birini tez başa düşür, tapşırıqlara düzgün və sərbəst əməl edə bilirlər. Artıq birgə uçuşlarımızda heç bir çətinlik yoxdur”.

Gürcüstan Hərbi Hava Qüvvələrinin nümayəndələri də təlimləri izləyirlər. Onların gəlişində məqsəd gələcəkdə Gürcüstan təyyarəçilərinin də “TurAz Qartalı” təlimlərinə qoşulmasını müzakirə etməkdir.

Qeyd edək ki, təlimlərə, ümumilikdə, 300-dən çox şəxsi heyət, 40-dan artıq pilot cəlb olunub. Birgə taktiki təlimlər sentyabrın 30-dək davam edəcək.

S.Xankişiyeva

Paylaş:
672

Son xəbərlər

RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07Səhiyyə Nazirliyi bayram günləri ilə bağlı əhaliyə müraciət edibBu gün, 08:58DYP hərəkət iştirakçılarına hava ilə bağlı müraciət edibBu gün, 08:51Bakının bir sıra yollarında tıxac yaranıbBu gün, 08:44Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45
Bütün xəbərlər