1news.az

Erkan Özoral: Azərbaycanın müstəqilliyi uğrunda 20 Yanvar şəhidlərinin açdığı yol danılmazdır

20 Yanvar saat 14:12 ~ 1 dəqiqəlik oxu 251
Erkan Özoral: Azərbaycanın müstəqilliyi uğrunda 20 Yanvar şəhidlərinin açdığı yol danılmazdır

Azərbaycanın müstəqilliyi uğrunda 20 Yanvar şəhidlərinin açdığı yol danılmazdır.

1news.az-ın AZƏRTAC-a istinadla verdiyi xəbərə görə, bu barədə 20 Yanvar faciəsinin qurbanlarını yad etmək üçün Şəhidlər xiyabanına gələn Türkiyənin Azərbaycandakı səfiri Erkan Özoral jurnalistlərə açıqlamasında deyib.

O bildirib ki, 28 il əvvəl tarixin ən qanlı hadisələrindən biri yaşanıb. 20 Yanvar tarixə qara gün olaraq yazılıb və həmən gün qərənfillərin ağladığı bir gündür. Bu ağrını illər keçsədə ürəklərdə hiss edirik.

 “Biz 20 Yanvar faciəsi zamanı qardaşlarımızı itirdik, onlar vətənləri, inandıqları doğru yol uğrunda canlarını fəda etdilər. Eyni zamanda Azərbaycanın müstəqilliyinə yol açdılar. Yanvarın 20-də Azərbaycanda xalqın iradəsini, xalqın istəyini susdurmağa, bu istək və iradənin qarşısını almağa çalışanlar elə xalqın birliyi altında da əzildilər. Yanvarın 20-də insanlığa qarşı ağır cinayət işlənib. Bizə düşən şəhidlərimizin xatirəsini hər zaman yad etmək, keçmişdən dərs alaraq bir daha bu cür hadisələrin yaşanmaması üçün əlimizdən gələni etməkdir. Yəni düşmənlərimiz qarşısında hər zaman güclü olmalı, onların məkirli addımlarını dəf etməliyik”, - deyə səfir vurğulayıb.

E.Özoral qeyd edib ki, insanlıq, düzgünlük, ədalət, haqq və vətən sevgisi heç zaman qarşısına sədd çəkilməyəcək çox güclü bir hissdir. Türk millətinin tarixində bir daha belə günlərin yaşanmaması üçün tariximizi bizdən sonrakı nəsillərə ən doğru və geniş formada çatdırmaq lazımdır.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net