1news.az

Elxan Məmmədov: MFL-də oynamaq ilk növbədə sağlam həyat tərzidir

31 Dekabr saat 14:01 ~ 4 dəqiqəlik oxu 145
Elxan Məmmədov: MFL-də oynamaq ilk növbədə sağlam həyat tərzidir

Artıq 3-ci ildir keçirilən Mini Futbol Liqası (MFL) AFFA-nın dəstəyi ilə təşkil olunur. 

Assosiasiya həvəskarlar arasında keçirilən bu yarışa böyük diqqət ayırır. MFL-in 2017-ci ilə Bakı Olimpiya Stadionunda yekun vuran MFL All Star - Böyük Oyuna AFFA-nın baş katibi Elxan Məmmədovun gəlib izləməsi, matçdan sonra iştirakçıları mükafatlandırması turnirə verdikləri önəmin göstəricisidir.

Bu haqda 1news.az Sport24.az-a istinadla Elxan Məmmədovun müsahibəsini təqdim edir:     

   

- Sizi bayram ərəfəsində belə gec saatlarda stadiona gətirən nə oldu?

- İlk növbədə bu oldu ki, özüm nə vaxtsa həvəskar futbol oynamışam. İndi də oynayıram. Sadəcə, son 3 ayda dizimdə bir az probem var. Bu üzdən yanvaradək pauza götürməli idim. Təbii ki, hər dəfə MFL-ə gələndə kimlərlə oynamışam, onlarla hərdən görüşürəm. Futzalın həvəskar liqasıdı, necə deyərlər, “dır-dir”. Nə vaxtsa məhz bununla bağlı bir şey varsa, gəlib baxmaq həmin emosiyaları keçirmək istəyirsən. Çünki burda tamam başqa formatdı.

- Hansı mənada?

- O mənada ki, bura insanlar pula görə gəlmirlər. Bu, onların daimi işi deyil. MFL-də həkimi də görə bilərsən, mühəndisi də, sürücünü də.

- Yəni müxtəlif peşə sahibləridi...

- Bəli. Tam fərqli peşə sahibləridi. Aralarında məsələn, hansısa şirkətlərin menecerləri və sair də var. Onların hamısını birləşdirən futbola sevgi, bir yerdə futbol oynamaqla vaxt keçirmək istəyidi. Bəzən burdakı oyunda azart hətta peşəkar futbolda gördüyümüzdən çox olur. MFL iştirakçıları hətta bəzən onu da unudurlar ki, sərt mübarizə zədə də ala bilərlər. Onlar peşəkar futbolçu deyillər. Peşəkar futbolçu mübarizəyə girəndə sonluğu da fikirləşir ki, çətin vəziyyətdən necə çıxa bilər. Ancaq burdakı vəziyyət bir az fərqlidi. MFL futbolçuları zədə almaq ehtimalını göz önünə gətirərək mübarizədən çəkinmirər. Şükür Allaha ki, ciddi zədə problemi yoxdu və ümid edirəm ki, bundan sonra da olmayacaq. MFL-də oynamaq ilk növbədə sağlam həyat tərzidi. Fikrimcə, bunun təbliğatını bacaranların hər biri bunu etməlidi. Uşaqlar, gələcək nəslimiz bunu görərək idmanla məşğul olsun. Bu matçda oynayan futbolçuların hamısına minətdarlıq edirəm. Onlar bu matçda özləri 90 dəqiqə oynamağı seçdilər.

- Hərçənd, MFL-də kiçik meydançada bundan az oynayırlar...

- Açığı, mən özüm buna təəcübləndim. Temp də həminki idi, hardasa 70-ci dəqiqədən sonra bir az aşağı düşdü. Buna baxmayaraq, futbolçular əla dözümlülük göstərdilər. MFL-ə minnətdarlıq edirəm ki, belə oyun keçirirlər. Əsas odur ki, artıq 3-cü ildir stabil yarış keçirirlər. Biz AFFA olaraq ilk gündən MFL-i izləyirik və tam dəstələyəcəyik. Bu yarış gözəl təşəbbüsdü. Fürsətdən istifadə edərək sizlərə də minnətdaram. Siz də bu oyuna görə Bakı Olimpiya Stadiona gəldiniz. Sport24.az-a da sual vemək olar ki, tale sizi bu axşam vaxtı bura niyə gətirdi? Bir də təbii ki, təşəkkürlər “CBC Sport”a düşür. Çünki bu telekanal matçı canlı yayımlayırdı.

- Kimə azarakeşlik edirdiniz?

- Açığı, hər iki komanda AFFA-nın formasını geyirdi (gülür). İlk qol buraxan komandaya azarkeşik edirdim.

- Deməli, qırmızı rəngdə millimizin formasını geyənlərə...

- Bəli, ilk qolu onlar buraxdılar. Matç maraqlı idi. Ümid edirəm ki, bundan sonra  da belə qarşılaşmalar təşkil olunacaq. Hesab edirəm ki, matç 31 dekabr Dünya Azərbaycanlılarının Həmrəylik  Günü bayramına düşməsi rəmzi alındı. Hamı burda oynayaraq həmrəyliyini nümayiş etdirdi. Fürsətdən istifadə edərək saytınız vasitəsilə hamının bayramını təbrik edirəm.

- Hər iki baş məşqçi qeyd etdi ki, burda bir sıra futbolçular fiziki hazırlıqlarını qaydasına salsalar, I  Divizonda rahat oynaya bilərlər. Siz necə düşünürsünüz?

“10 nömrə” əsl peşəkarlıq nümayiş etdirdi. Adı Elvindi. Matçda het-trik etdi. Fiziki hazırlığı üzərində işləsə, onu tezliklə I Divizionda görə bilərik. Niyə də bu futbolçu Premyer Liqamızda olmasın?

Mövzu ilə əlaqədar oxuyun:

MFL ALL STAR - Böyük Oyun: Bakı Olimpiya Stadionunun meydanlarında həvəskarlar liqasının mübarizələri baş tutacaq – VİDEO

MFL-in 8-ci turu: bombardirlər arasında mübarizə və MFL All Star-ın Yeni il qabağı sürprizləri – FOTO – VİDEO

MFL-in 7-ci turu: Konferensiyalarda liderlik uğrunda mübarizə davam edir – FOTO – VİDEO

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net