1news.az

Azərbaycanda oğurluq edən əkiz qardaşlar saxlanıldı

8 Mart saat 13:41 ~ 1 dəqiqəlik oxu 176
Azərbaycanda oğurluq edən əkiz qardaşlar saxlanıldı

Xaçmaz rayonunda silsilə oğurluqda şübhəli bilinən 3 nəfər saxlanılıb.

1news.az xəbər verir ki, Daxili İşlər Nazirliyi mətbuat xidmətinin Quba rayonunda regional qrupundan APA-nın yerli bürosuna verilən məlumata görə, Xaçmaz Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində rayon ərazisində silsilə oğurluqlar törətməkdə şübhəli bilinən 3 nəfərdən ibarət oğru dəstə saxlanılıb. Onlar rayonun Köhnəxaçmaz kənd sakinləri əvvəllər məhkum olunmuş Əziz Hacıbalayev, Ruslan Hacıbalayev və sonuncunun əkiz qardaşı Kamran Hacıbalayev olduğu müəyyən edilib.

Ətraflarında aparılan əməliyyat tədbirləri ilə onların dekabr ayının 31-dən cari ilin fevral ayının 22-dək olan müddətdə rayon ərazisində müxtəlif vaxtlarda ayrı-ayrı vətəndaşlara məxsuz 3 fərdi evdən, 1 mağaza və 1 iaşə obyektindən televizor, su nasosları, müxtəlif məişət əşyaları və texniki vasitələr, su qızdırıcısı, müxtəlif növ tütün məmulatları və ərzaq məhsulları oğurlamaqla sahiblərinə xeyli miqdarda maddi ziyan vurduqları məlum olub. Dəstə üzvlərindən oğurladıqları əşya, texniki vasitələr, ərzaq və digər məmulatların bir hissəsi polis əməkdaşları tərəfindən maddi sübut kimi götürülüb.

Qeyd olunan faktlarla bağlı cinayət işi başlanılıb, araşdırma aparılır.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net