1news.az

Azərbaycan səfiri Pakistanın xarici işlər naziri ilə görüşüb

9 Noyabr saat 11:01 ~ 1 dəqiqəlik oxu 182
Azərbaycan səfiri Pakistanın xarici işlər naziri ilə görüşüb

Azərbaycan Respublikasının Pakistan İslam Respublikasındakı səfiri Əli Əlizadə Pakistan İslam Respublikasının xarici işlər naziri Xavaca Məhəmməd Asiflə görüşüb.

Səfirlikdən 1news.az-a verilən məlumata görə, Azərbaycan xarici işlər nazirinin salamlarını və Azərbaycana dəvətini Xavaca Məhəmməd Asifə çatdıran səfir, Pakistanın Azərbaycan üçün dost və qardaş ölkə olduğunu deyib.

Diplomat vurğulayıb ki, Azərbaycanın Pakistanla əlaqələrə xüsusi önəm verir. Səfir Əli Əlizadə ölkələrimiz arasında münasibətlərin ən yüksək səviyyədə inkişaf etdiyini, yeni layihələrin icra olunduğunu, beynəlxalq ve regional məsələlərdə hər iki ölkənin bir-birini dəstəklədiyini qeyd ədərək, iki ölkə arasında əməkdaşlıq imkanlarının genişləndiyini və yeni müstəviyə keçdiyini vurğulayıb. Azərbaycanın təşəbbüsü ilə Bakıda keçirilməsi nəzərdə tutulan Azərbaycan-Pakistan-Türkiyə xarici işlər nazirlərinin 1-ci görüşünün üçtərəfli əməkdaşlığa yeni tövhə verəcəyini bildirən səfir, hər üç ölkənin strateji tərəfdaşlıq əlaqələrinə malik olduğunu vurğulayıb.

Pakistan İslam Respublikasının xarici işlər naziri Xavaca Məhəmməd Asif salamlarının Azərbaycan Respublikasının xarici işlər nazirinə çatdırmağı xahiş edib və Azərbaycana səfər etməyi planlaşdırdığını diqqətə çatdırıb. Azərbaycan-Pakistan əlaqələrinin yüksək səviyyədə inkişaf etdiyini, Pakistanın və Azərbaycanın daim bir birinə göstərdiyi dəstəyin önəmini qeyd edən nazir Ermənistanın təcavüzkar siyasəti nəticəsində Azərbaycanın üzləşdiyi Dağlıq Qarabağ münaqişəsinə Pakistanın öz məsələsi kimi baxdığını bildirib.

P.Sultanova

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2017 "The First News" İnformasiya Agentliyi,,
Bütün hüquqlar qorunur
entonee.net