700 bal toplamış tələbə: Azərbaycan universitetlərinin arasında ən perspektivlisi BANM-dır | 1news.az | Xəbərlər
Cəmiyyət

700 bal toplamış tələbə: Azərbaycan universitetlərinin arasında ən perspektivlisi BANM-dır

10:05 - 19 / 09 / 2018
700 bal toplamış tələbə: Azərbaycan universitetlərinin arasında ən perspektivlisi BANM-dır

Qəbul imtahanlarında 700 bal toplamış Göyçayın Ləkçıplaq kənd məktəbinin yetirməsi Qədirli Şəkərin müsahibəsini təqdim edirik.

Bu haqda 1news.az-a BANM-ın İctimaiyyətlə əlaqələr şöbəsindən məlumat verilib.

-Şəkər, özünüz haqda bir az danışın.

Mən Qədirli Şəkər, Göyçay rayonunun Ləkçıplaq kəndində dünyaya gəlmişəm. Öz uşaqlığımı elə həmin kənddə keçirmişəm. Ləkçıplaq kənd 1 nömrəli tam orta məktəbdə orta təhsilimi almışam.

- Necə oldu ki, 700 bal toplaya bildiz?

Aprel ayının 1-də sınaq imtahanında 700 bal topladım və bu mənə böyük stimul verdi. İlk qəbul imtahanında 685 bal topladım, təbii ki bu məni qane etmədi. Özümə inanırdım və daha əzmlə çalışmağa davam etdim. Nəhayət, 2-ci qəbul imtahanında 700 bal topladım.

- Qəbul imtahanında göstərdiyiniz uğur kimin sayəsinda mümkün oldu?

Qəbulda uğuruma görə ən birinci özumə minnətdaram, öz zəkam və əzmkarlığım sayəsində bu uğuru qazanmışam. Valideynlərimə, xüsusilə anama təşəkkür bildirirəm ki, mənə təhsil almağım üçün şərait yaradıblar. Anam həm də xarici dil müəlliməm olub. Hələ uşaqlıqdan anamın dünya görüşünə heyran qalırdım. Fransız dili müəlliməsi olsada mənə riyaziyyat, fizika ilə bağlı dəyərli məlumatlar verirdi. Mən həmişə anam kimi olmaq istəmişəm.

- Niyə I qrupa üstünlük vermisiz?

Mən yuxarı siniflərdə artıq dəqiq elmlərə marağımın daha çox olduğunu anladım. Ona görə də I qrupu seçdim.

- Ən çox hansı fənni və nə üçün sevmisiz?

Mən riyaziyyat, fizika, kimya kimi fənləri çox sevirəm. Xüsusilə də, həndəsə məsələlərinin, fizika məsələlərinin həllərində çox kreativəm, yəni kiminsə ağlına gəlməyən daha sərfəli yollar tapmaq  mənə zövq verir. Bəzən beynimin sərhəd tanımamasına heyran qalıram.

- Bəs ali məktəblər arasında niyə məhz BANM-ı seçdiz?

Azərbaycan universitetlərinin arasında ən perspektivlisi BANM-dır. Son bir neçə ildə mən buna əmin oldum. Elə bacım da BANM-ın “Proseslərin avtomatlaşdırılması mühəndisliyi” ixtisasında təhsil alır.

- Boş vaxtlarınız olduğu zaman nə etməyi sevirsiz?

Boş vaxtlarımda intellektual oyunlar oynayıram, fantastik filmlər, bir də cizgi filmlərini izləyirəm.

- Mühəndis olmaq istəyirsiz. Sizə bu peşə xanım üçün çətin olmaz ki?

Düşünürəm,  əgər bir insanın hər hansı sahədə bilik və istedadı varsa, onun qadın və ya kişi olmasının fərqi yoxdur.

- BANM-da hansı ixtisası seçdiz və həmin ixtisas nə ilə sizi özünə cəlb etdi?

Mən BANM-da “İnformasiya təhlükəsizliyi” ixtisasını seçdim.

-Niyə məhz “İnformasiya təhlükəsizliyi”?

Hal-hazırda bu çox potensiallı sahədir. Azərbaycanın kiber təhlükəsizliyi sahəsində milli kadrlara ehtiyacı çoxdur.

- Seçiminizi özünüz etmisiz, yoxsa bacınız məsləhət gördü?

Bu seçimi mən özüm etmişəm. Ailəm də BANM-da bu yeni ixtisasın açılmasına çox sevindilər.

- Hansı xüsusiyyətiniz sizi digərlərindən fərqləndirə bilər?

Hələ uşaqlıqdan digər uşaqlardan davranışlarım və maraqlarımla fərqlənmişəm. Həmişə təxəyyülüm məni digərlərindən bir addım öndə edib.

- Sizcə müasir dövrdə parlaq gələcəyi olan ixtisaslar hansılardır?

Parlaq gələcəyi olan ixtisas kimi elə öz ixtisasımı görürəm – yəni, “İnformasiya təhlükəsizliyi”

- Gələcəkdə özünüzü hansı vəzifədə və hansı şirkətdə/strukturda görmək istəyirsiz?

Gələcəkdə özəl şirkət yoxsa dövlət işində işləyəcəyimi hələ qərarlaşdırmamışam. Əsas odur ki, öz ölkənə xeyirli vətəndaş olasan.

- Sizcə bir insanın uğur əldə etməsi üçün ona nə lazımdır – şans yoxsa ...?

Uğur əldə etmək üçün ilk öncə istedad olmalıdır, daha sonra xəyallar, məsuliyyət və zəhmət. Lakin, uğur üçün həm də şans lazımdır.

- Dostlarınız çoxdur?

Dostum mənim anam və bacımdır. Ətrafımdakı insanlar isə tanışlarımdır.

- Sizdən sonra gələcək abituriyentlərə nə məsləhət edərdiz?

Gələcək abituriyentlərə məsləhətim odur ki hər şeyə maraqla yanaşsınlar. Qaranlıq məqamların üstündən keçmək olmaz. Əyləncələrə vaxt itirməsinlər, zamana və gördükləri işə məsuliyyətlə yanaşsınlar. İnsanın həyatında bir saniyə belə önəmlidir. Bir də, yuxu rejiminə ciddi əməl etsinlər. Minimum 8 saat yatmaq lazımdır.

S.Xankişiyeva

 

 

Paylaş:
386

Son xəbərlər

RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07Səhiyyə Nazirliyi bayram günləri ilə bağlı əhaliyə müraciət edibBu gün, 08:58DYP hərəkət iştirakçılarına hava ilə bağlı müraciət edibBu gün, 08:51Bakının bir sıra yollarında tıxac yaranıbBu gün, 08:44Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45
Bütün xəbərlər