ru

Siyasət

2 Dekabr saat 12:58

NTV kanalında Ermənistan özünə məşuq axtaran pozğun qadın kimi müqayisə edilib – FOTO – VİDEO   

NTV kanalında Ermənistan özünə məşuq axtaran pozğun qadın kimi müqayisə edilib – FOTO – VİDEO   

Nə üçün Brüssel Ermənistanı “Şərq Tərəfdaşlığı”na çəkmək istəyir?

Bu sual NTV telekanalında yayımlanan “Mesto vstreçi” verilişinin başlıca mövzusu olub.

1news.az-ın verdiyi xəbərə görə, proqramın gedişatında qeyd edilib ki, ilk dəfə Ermənistana assosiasiyalarla razılaşma 2013-cü ildə təklif olunub. O zaman İrəvan həmin sənədləri imzalamaqdan imtina edib.  

Dörd il ötdü. Həmin razıaşmadan bir neçə bənd götürülərək yenidən Ermənistanın sənədi imzalamasına qayıdılıb. Yeni razılaşmada İrəvana vətəndaş cəmiyyətinin inkişafı, korrupsiya ilə mübarizə, erməni biznesinin Avropa bazarlarına çıxması üçün əlverişli şəraitin yaradılması göstərilib.

Verilişdə çıxış edən politoloq Oleq Barabanov qeyd edib ki, Ermənistan Avropaya lazım deyil:

“Hədəf çox sadədir – yenicə inkişaf edən Avrasiya Birliyinə zərbə vurmaqdır. Burada məsələ Avropa deyil, Ermənistandır”.

 “2013-cü ildə Ermənistan şərti olaraq müstəqil idi və Avrasiya Birliyi ilə Avropa İttifaqının assosiasiyaları arasında seçim edə bilərdi. O Avrasiya Birliyini seçdi. İndi isə Avrasiya Birliyinin tamhüququlu üzvüdür. Gömrük Birliyinin daxilində heç bir sərhəd yoxdur, lakin burada Ermənistan Troya atına çevrilib”.

Politoloq qeyd edib ki, Ermənistan Avrasiya Birliyinə daxail olan kimi, prezident Serj Sarkisyan dərhal Çinə səfər etdi. Səfər zamanı o qeyd edib ki, artıq Çin Ermənistandan keçərək öz məhsularını Avrasiya İqtisadi Birliyinin bazarlarına çıxara bilər.

Verilin aparıcısı Olqa Belova Ermənistanı rəsmi əri ilə münasibətləri saxlayaraq özünə məşuq axtaran pozğun qadınla müqayisə edib.  

Siyasi Araşdırmalar İnstitutunun direktoru Serqey Markov vurğulayıb ki, bu müqavilələrin imzalanması Ermənistanla münasibətlərin pisləşməsinin göstəricisidir:

“İrəvanda Rusiyaya qarşı az pul verdiyi üçün iddialar var. Həmçinin Adolf Hitlerin müttəfiqi olmuş, Ermənistanda milli qəhrəman hesab edilən və heykəli qoyulan Ndje ilə bağlı münaqişəmiz var. Eləcə də rus telekanallarına təsir cəhdləri də var. Belə ki, kanallar Ndjenin milli cinayətkar olmamasını söyləməsinlər”.

“Mesto vstreçi” (“Görüş yeri”) – gündəlik ictimai-siyasi proqramdır.  

Studiyanın qonaqları ilə aparıcılar hər gün həyatda baş verən ən ciddi və aktual məsələləri müzakirə edirlər.

Tərcümə: S.Xankişiyeva

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News", İnformasiya Agentliyi
Bütün hüquqlar qorunur
entonee.net