“Boeing” sifarişlərin həcminə görə “Airbus” şirkətini qabaqlayıb
“Boeing Inc” şirkəti Le Burje beynəlxalq aviasalonunda ümumilikdə 75 milyard dollarlıq sifariş qəbul edərək rəqibi “Airbus Group SE” kompaniyasını (40 milyard dollar) qabaqlayıb.
1news.az-ın AZƏRTAC-a istinadən verdiyi xəbərə görə, “Boeing” o cümlədən aviasalonda ilk dəfə təqdim olunan dar füzelyajlı “737 Max 10” təyyarəsinə 16 aviakompaniyadan 361 sifariş alıb. Göyərtəsi 230-dək sərnişin tutan hava gəmisi sifarişçilərə 2020-ci ildə çatdırılmağa başlayacaq.
“Airbus” isə 114 son sifariş və daha 182 təyyarəyə isə ilkin sifarişlər alıb. İki İran aviaşirkəti – “Zagros Airlines” və “İran Airtour” “Airbus”-a ümumilikdə 73 təyyarə sifariş verib, amma müqavilənin təsdiqlənməsi üçün ABŞ hakimiyyət orqanlarının razılığı lazımdır.
Babək Cahandarov