Xələf Xələfov: “Xocalı soyqırımına bu günə qədər dünya birliyi tərəfindən tutarlı hüquqi qiymət verilməyib”
“Xocalı faciəsi dünya tarixində dinc əhalinin kütləvi qətli ilə dərin iz qoymuş Xatın, Holokost, Ruanda və Serebrenitsa kimi ağır faciələrlə bir sırada dayanır”.
1news.az xəbər verir ki, bunu Azərbaycanın Xarici İşlər nazirinin müavini Xələf Xələfov deyib.
X.Xələfov bildirib ki, həmin soyqırımlara münasibətdə dünya birliyinin səyləri nəticəsində hüquqi mexanizmlər vasitəsilə qiymət verilib, cinayət törədən şəxlər müvafiq tribunallar qarşısında mühakimə olunub.
“Ancaq təəssüflə qeyd edirəm ki, Xocalı soyqırımına bu günə qədər dünya birliyi tərəfindən tutarlı hüquqi qiymət verilməyib. Təəssüf ki, bu gün soyqırım cinayətlərinin aid olduğu universal yurisdiksiya tətbiqində siyasi konnekturalar üstünlük təşkil etməkdədir. Xocalı soyqırımı ilə əlaqədar beynəlxalq ədalət mühakiməsinin həyata keçirilməsi bu qanlı cinayəti törədən şəxslərə münasibətdə cinayət davam etdirilməsi və onun məsuliyyətə cəlb edilərək beynəlxalq mexanizmlər vasitəsilə cəzalandırılması Azərbaycan xalqının mənəvi borcu və dövlətimizin qarşısında duran mühim vəzifədir”.
Qafar Ağayev
