Xələf Xələfov: Xəzər regionunda etimad tədbirlərinin qəbuluna dair saziş üzərində işlərə başlanılıb

Xəzər regionunda etimad tədbirlərinin qəbul olunması üzrə saziş üzərində işlərə başlanılıb.

1news.az xəbər verir ki, bunu “Caspian Energy” forumunda çıxış edən xarici işlər nazirinin müavini, Azərbaycan Prezidentinin sərhəd və Xəzər dənizi məsələləri üzrə xüsusi nümayəndəsi Xələf Xələfov deyib.

Onun sözlərinə görə, bu, Xəzərin statusu, burada təhlükəsizliyin və sabitliyin təmin olunması baxımından çox vacib addımlardan biri olacaq.

"Bu gün bütün Xəzəryanı ölkələr iradə və səy göstərirlər ki, bu sahədə də qarşılıqlı razılaşma əldə olunsun", - deyə X. Xələfov qeyd edib.

1news.az