Azərbaycanlı professor koronavirusdan danışdı: “Təəssüf ki,...” | 1news.az | Xəbərlər
Cəmiyyət

Azərbaycanlı professor koronavirusdan danışdı: “Təəssüf ki,...”

09:47 - 27 / 02 / 2020
Azərbaycanlı professor koronavirusdan danışdı: “Təəssüf ki,...”

“Çində koronavirus aşkarlanan xəstələrin sayına görə ölənlərin sayı elə də çox deyil”.

Bu barədə 1news.az-a açıqlamasında Tibb Universitetinin professoru, səhiyyə eksperti Adil Qeybulla deyib. O, bildirib ki, bu hadisə 100 il qabaq olsaydı ölənlər bəlkə də bundan 10 dəfə çox olardı.

“Çində ümumi olaraq 80 minə yaxın adam xəstələnib, bunlardan dünyasını dəyişənlərin sayı 2500 nəfərdi. Yəni, bu böyük rəqəm deyil. Nəzərə alsaq ki, bu xəstəliyə yoluxanların içində yaşlılar var, yanaşı xəstəliyi olanlar var, məsələn, hər il qripdən təxminən o qədər insan dünyasını dəyişir. Azərbaycanın bu virusla mübarizəsinə gəldikdə isə, hesab edirəm ki, buna hazır olmaq daha çox təşkilati məsələlərdən keçir. Təşkilati məsələlər həll olunmasa lap dünyanın ən yaxşı həkimləri də burada olsa o qədər də effekt olmayacaq. Ona görə bu işə ciddi fikir vermək lazımdır”.

Professorun sözlərinə görə, ölənlərin təcrübəsi göstərir ki, onlar ya yaşlıdı, ya da yanaşı xəstəlikləri var, bu xəstəliyi ayaqüstə keçirərək əhəmiyyət verməyən insanlardı:

“İnsanlar xəstələndiyi halda birinci növbədə yataq rejiminə keçməlidirlər. Sonra isə çox maye qəbul etmək və həkimə müraciət etmək lazımdır. Təəssüflər olsun ki, çox adam özlərini həkimə getmədən, kiminsə tövsiyəsi ilə müalicə etməyə çalışır. Həkim tövsiyəsi olmadan antibiotik qəbul etmək çox təhlükəlidir".

Koronavirus epidemiyası ilə mübarizədən danışan A.Qeybulla bildirib ki,virusla mübarizədə ilk yerdə profilaktika, ikinci yerdə isə müalicə gəlir.

“İnfekisyanın qarşısının alınması üçün karantin tədbirləri görülməlidir. Bu tədbirlər ilk növbədə transsərhəd keçid məntəqələri, haradan ki, ölkəyə giriş-çıxış var onların hamısı nəzarətə götürülməlidir. Xəstə adamlar həmin sərhəd məntəqəsindən xəstəxanaya götürülməlidir və müşahidə altına alınmalıdır. Bununla bağlı ölkədə kifayət qədər addım atılıb. Bütün şübhəli adamların burun boşluğundan götürülən nümunələr yoxlanmalıdır.  İdmanla məşğul olmaq da bu virusa qarşı mübarizənin yollarından biridir, səhər gimnastikası ağciyərləri xeyli işlədir, dözümlülüyü artırır. Bundan başqa meyvə-tərəvəzdən də çox istidadə etmək lazımdır, çünki bu zaman orqanizmdə immun sistemi daha düzgün çalışır. Maska müəyyən qədər virusdan qoruyur. Təəssüflər olsun ki, bəzi işbazlar yaranmış vəziyyətdən sui-istifadə edərək qiymətləri qaldırır. Bununla bağlı da aidiyyəti qurumlar addım atmalıdır”.

“İnsanların koronavirusla bağlı təşvişə düşməsi məlumat kasadlığı ilə bağlıdır” – deyə A.Qeybulla fikirlərinə əlavə edib:  “Televiziya ekranlarından, saytlardan insanlara düzgün informasiya ötürülməlidir. Xüsusilə dövlət qurumlarının  verdiyi informasiya vacibdir. İnsanları sakitləşdirmək üçün dövlət qurumları daha çox məsuliyyət daşıyır. Bunun özü də karantin tədbirləri çərçivəsində həyata keçirilməlidir”.

Qafar Ağayev

Paylaş:
1797

Son xəbərlər

Bakıda gömrükçülər xeyli miqdarda aksiz markasız siqaretlər aşkar ediblərBu gün, 14:20Bakıda növbəti ümumşəhər iməcliyi keçirilib - FOTOBu gün, 14:08Dünya bazarlarında neft bahalaşıbBu gün, 13:49Müdafiə naziri Quru Qoşunlarının rəhbər heyəti ilə görüşübBu gün, 13:35TƏBİB Cavanşir Məmmədovun ölümü ilə bağlı məlumat yayıb - YENİLƏNİBBu gün, 13:20Zakir Həsənov Qarabağdan çıxan Rusiya sülhməramlılarına lazımi texniki dəstəyin göstərilməsi tapşırığını veribBu gün, 13:03Beynəlxalq axtarışda olan daha bir şəxs Azərbaycana ekstradisiya edilibBu gün, 12:45FHN Lənkəranda qanunsuz tikililəri sökübBu gün, 12:40Sabunçuda 34 yaşlı kişi qətl edilibBu gün, 12:14“Həmin gün...” musiqili-poeziya gecəsində - FOTOBu gün, 12:00Sabah hava necə olacaq? - PROQNOZBu gün, 11:53Beynəlxalq əmtəə, fond və valyuta bazarlarının göstəriciləriBu gün, 11:40Bakıda oğlan sevgilisini qısqanclıq zəminində qətlə yetirib - YENİLƏNİBBu gün, 11:22Azərbaycan neftinin qiyməti 89 dollara çatıbBu gün, 11:10Kamaləddin Qafarov: “Şirvan suvarma kanalının yenidən qurulması aqrar sektoru inkişaf etdirəcək”Bu gün, 10:55Azərbaycan BMT ilə COP29 çərçivəsində “yaşıl enerji” keçidi və iqlim dəyişikliklərinə qarşı mübarizə istiqamətində müzakirələr aparıbBu gün, 10:43Xankəndidə tapança, avtomat və qumbaralar tapılıbBu gün, 10:36Göygöldə idarəetməni itirən sürücü piyadanı vuraraq öldürübBu gün, 10:32Bəzi ərazilərdə şimşək çaxıb, leysan yağıb - FAKTİKİ HAVABu gün, 10:07ABŞ dövlət katibi Azərbaycanın kəndlərinin qaytarılmasını alqışlayıbBu gün, 09:58
Bütün xəbərlər