Paralimpiya Komitəsi və Rusiya Federasiyasının “Ərazilərin ekoloji-sosial və innovativ inkişafına dəstək Milli mərkəzi” arasında protokol imzalanıb
27 fevral 2020-ci il tarixində Azərbaycan Milli Paralimpiya Komitəsində maneəsiz mühitin formalaşmasında əlillərə və az mobil qabiliyyətli qruplara zərərin qarşısının alınması sahəsində beynəlxalq mütəxəssislər birliyi yaratmaq niyyətinin açıq protokolunun imzalanma mərasimi keçirilmişdir.
1news.az-ın xəbərinə görə, protokol Azərbaycan Milli Paralimpiya Komitəsinin prezidenti İlqar Rəhimov və Rusiya Federasiyasının “Ərazilərin ekoloji-sosial və innovativ inkişafına dəstək Milli mərkəzi”-nin prezidenti Dmitriy Petrakov tərəfindən imzalanmışdır.
Razılaşmaya Azərbaycan, Rusiya və İtaliyanın müvafiq qurumları qoşulublar.
Qeyd edək ki, 24-27 fevral 2020-ci il tarixlərində müyəssərliyin təmin olunması üzrə ekspertlərin hazırlanması ilə əlaqədar nəzəri seminarın ikinci mərhələsi uğurla başa çatıb. Seminarın üçüncü mərhələsi Rusiya Federasiyasının Sankt-Peterburq şəhərində baş tutacaq və orada keçiriləcək imtahanlardan müvəffəqiyətlə keçən iştirakçılar beynəlxalq sertifikatla təmin olunacaqlar.
1news.az
