MFL-in təsnifat mərhələsi uğurla başa çatdı: yeni rekord və 5 qalib komanda - FOTO - VİDEO | 1news.az | Xəbərlər
Futbol

MFL-in təsnifat mərhələsi uğurla başa çatdı: yeni rekord və 5 qalib komanda - FOTO - VİDEO

15:40 - 18 / 09 / 2019
MFL-in təsnifat mərhələsi uğurla başa çatdı: yeni rekord və 5 qalib komanda - FOTO - VİDEO

Azərbaycanın ən böyük həvəskar futbol liqası olan MFL-in 2019-2020-ci - dördüncü mövsümünün başlamasına sayılı günlər qalıb.

Hər zaman yenilikləri, bir-birindən maraqlı layihələri ilə futbolsevərləri sevindirən MFL rəhbərliyi bu dəfə də ənənəsinə sadiq qaldı. LSS MFL adlanan yeni mövsümdə əsas yenilik isə turnirin tarixində ilk dəfə olaraq təsnifat mərhələsinin keçirilməsi oldu.

Bu mərhələnin başlıca özəlliyi ondan ibarətdir ki, iştirakçı komandalar qeydiyyat üçün heç bir ödəniş etmədən, yəni, pulsuz iştirak edərək MFL-in yeni mövsümündə çıxış etmək imkanı əldə etdilər.

80 komanda – yeni rekord!

“Muğanbank”-ın sponsorluğu ilə keçirilən təsnifat mərhələsinə maraq gözlənildiyindən də böyük oldu. Belə ki, liqada pulsuz iştirak etmək hüququ verən 5 yer uğrunda 80 komanda mübarizə apardı ki, bu da turnirdə iştirak edən komandaların sayı baxımından MFL tarixində rekord göstərici deməkdir.

“MUĞANBANK MFL TƏSNİFAT PLAY OFF 2019” adlanan təsnifat mərhələsində komandalar püşkatma yolu ilə hər birində 16 komanda olmaqla 5 qrupa bölündülər.

5 final – 5 qalib komanda

Kubok sistemi üzrə keçirilən play-off-larda komandalar 1/8, 1/4, 1/2-ə yüksəldilər, qruplarında ilk pillələri tutan komandalar isə həlledici oyunda – finalda üz-üzə gəldilər. Kifayət qədər gərgin mübarizə şəraitində keçən final görüşlərinin yekunu olaraq “Avengers”, “Khazar FC”, “Borussia Baku”, “Tiyagani FK” və “Baku Juniors” komandaları əsas liqada oynamaq hüququ qazandılar. Bununla da MFL-in yeni mövsümündə iştirak edəcək bütün komandaların adları məlum oldu.

Ən məhsuldar oyunçular

Təsnifat mərhələsinin yekunu olaraq ən məhsuldar futbolçuların adına da aydınlıq gəldi. “Albatros” komandasının oyunçusu Turan Babayev 5 məhsuldar ötürmə ilə ən yaxşı assistentlərin sıralamasında ilk pilləni tutdu. Sonrakı yerlərdə 4 assistlə “Baku Juniors”un futbolçuları Turan Həsənli ilə Elvin Şirinli, “Avengers”in oyunçusu Zaur Əliyev və 3 assistlə “Agrosport”un futbolçusu Nəcməddin Zalıyev qərarlaşdı.

Təsnifat mərhələsinin ən sərrast oyunçusu isə rəqib qapılarından 13 top keçirən “Baku Juniors”un hücumçusu Emin İskəndərov oldu. “Bibiheybət”dən İsrafil Rzabəyli ilə “Albatros”dan Elçin İsmayılov 12, “Gunners”dən Orxan Əliyev 11, “Khazar”dan Emin İsmayılzadə isə 9 qolla növbəti sıralarda qərarlaşdılar.

Beləliklə, MFL-in ilk dəfə təşkil etdiyi təsnifat mərhələsi uğurla başa çatdı. Yekunda 80 komanda arasında qalib olan 5 komanda əsas mövsümdə iştirak etmək hüququ qazandı. İnanırıq ki, həmin həmin komandalar əsas liqada da çempionluq uğrunda mübarizə apararaq turnirə rəng qatacaqlar.

1news.az

Paylaş:
838

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər