Səfirlikdə xatirə kitabı açılacaq

Qırğızıstanda güclü torpaq sürüşməsinin baş verməsi nəticəsində 24 nəfərin ölməsi ilə əlaqədar olaraq bu ölkənin Azərbaycandakı səfirliyində xatirə kitabı açılacaq.

Bu barədə 1news.az-a Qırğızıstanın Azərbaycandakı səfirliyindən məlumat verilib.

Xatirə kitabı 30 aprel 2 may tarixlərində saat 11:00-dan 13:00-dək, 14:00-dan 16-dək açıq olacaq.

 Qeyd edək ki, Qırğızıstanın Oş vilayətində güclü torpaq sürüşməsinin baş verməsi nəticəsində 24 nəfərin ölməsi ilə bağlı ölkədə matəm elan edilib.

Qırğızıstan prezidenti Almazbek Atambayev bununla əlaqədar sərəncam imzalayıb.

Pərvanə Sultanova