Azərbaycanın "qara siyahı"ya saldığı məşhur ispan müğənnisi dələduzluğa görə həbs olunub
İspaniyanın tanınmış opera müğənnisi Monserrat Kabalye dələduzluğa görə 6 ay müddətinə həbslə cəzalandırılıb.
1news.az TACC agentliyinə istinadən xəbər verir ki, Barselona məhkəməsi həbslə yanaşı, 82 yaşlı M.Kabalyeni 255 min avro məbləğində cərimələyib.
O, günahını etiraf edib. Müğənni səhətti ilə bağlı məhkəmə iclasına yaşadığı evdən video-konfransla qatılıb.
Xəbərdə bildirilib ki, müğənni 2014-ci ilin aprelində 500 min avrodan artıq məbləğdə gəlir əldə edib, amma gəlirinin vergisini ödəməkdən yayınıb. Ona qarşı irəli sürülən ititham bununla bağlıdır. İstintaq zamanı müəyyən olunub ki, M.Kabalye Andorra və Rusiyada konsert proqramı ilə çıxış edəndən sonra əldə etdiyi gəlirin vergisini ödəməyib.
Xatırladaq ki, M.Kabalye 2013-cü il iyunun 13-də Dağlıq Qarabağa icazəsiz səfər etdiyi üçün Azərbaycanda "arzuolunmaz şəxslər"in siyahısına daxil edilib.
1news.az
