Çavuşoğlu: Türkiyə ilə Rusiya arasındakı dialoq münaqişənin nizamlanmasına imkan yaradır
Rusiya ilə dialoq bir sıra münaqişələrin nizamlanmasına öz töhfəsini verəcək, bunu Türkiyənin xarici işlər naziri Mövlud Çavuşoğlu Ankarada keçirilən səfirlərin IX Konferensiyasında bildirib.
Onun sözlərinə görə, Rusiya ilə əməkdaşlıq etmək Türkiyə üçün vacibdir, lakin bu, Ukrayna və Gürcüstan münaqişələrilə bağlı Ankaranın mövqeyinə yenidən baxmanı güman etmir:
“Biz Ukrayna və Gürcüstanın ərazi bütövlüyünü tanıyırıq. Biz Ukrayna torpaqlarının zəbt edilməsini qəbul etmirik”.
Həmçinin nazir hazırda Türkiyədə 2,8 milyon suriyalı qaçqının olduğunu, onların dəstəklənməsi üçün Ankaranın milyard dollarlar sərf etdiyini qeyd edib.
Eləcə də Çavuşoğlu qeyd edib ki, Ankara Suriya terroru ilə bağlı terror təhlükəsinin zərərsizləşdirilməsi üzrə müəyyən addımlar atır:
“Türkiyə regionun digər dövlətləri kimi Suriyada sabitliyin yaranmasında maraqlıdır. Ankaranın səyləri nəticəsində Hələbdən 45 min insan təxliyyə edilib.
Ankara Suriya ərazisində atəşkəsin yayılması üçün bütün səylərini göstərir. Biz Suriya ilə bağlı Cenevrə Konvensiyasını dəstəkləyirik, eyni zamanda ölkənin şimalındakı İŞİD-lə mübarizə aparırıq. Türkiyə Suriyanın siyasi və ərazi bütövlüyünü fəal surətdə dəstəkəyir”.
ABŞ məsələsinə toxunan XİN rəhbəri qeyd edib ki, Birləşmiş Ştatlar əvvəlki səhvlərini təkrar etməyəcəklərinə ümid bəsləyir:
“Birincisi ümid edirik ki, ABŞ FETÖ-nun əsas rəhbəri Fətullah Gülən və təşkilatın digər üzvlərini ekstradisiya edəcək. İkincisi isə, PKK-nın digər qolu olan YPG ilə əməkdaşlığı kəsəcək”.
Avropa İttifaqı ilə qarşılıqlı münasibət məsələsinə də toxunan Çavuşoğlu bildirib ki, Ankarasız Aİ-nin istənilən addımları natamamdır:
“Aİ-nin mövqeyi Kipr münaqişəsinin nizamlanmasına mənfi təsir göstərdi. Aİ-nin tərkibinə icmalara aid adları qəbul edilməzdi. Bu addım münaqişənin nizamlanmasına da təsir etdi. Regiondakı təhlküəni dəf etməyə çalışsa da Türkiyə bu istiqamətdə fəal addımlar ata bilmədi”.
Onun sözlərinə görə, stabilsizlik istər ayrı-ayrı ölkələr, istərsə də bütün region üçün təhlükədir:
“Ankara imkan verəməyəcək ki, PKK İraqdan işğal etdikləri torpaqlar hesabına ərazisinin genişləndirsin. Eləcə də Kandil dağları kimi ikinci ərazinin yaranmasına da imkan verməyəcək”.
1news.az
