Rusiya hərbçiləri Suriyanı tərk edir
Rusiya prezidenti Vladimir Putinin müvafiq qərarı ilə ölkənin Silahlı Qüvələri Suriyanı tərk etməyə başlayıb.
1news.az-ın NTV-yə istinadla verdiyi xəbərə görə, bu haqda Rusiya Silahlı Qüvvələrinin Baş Qərargan rəisi Valeri Qerasimov bildirib:
“Ali Baş Komandanın qərarı ilə Rusiya Müdafiə Nazirliyi Suriyadakı Silahlı Qüvvələrin qruplaşmalarının sayını azaltmağa başlayır”.
Gerasimovun sözlərinə görə, Suriyanı ilk olaraq “Admiral Kuznetsov” aviadaşıyıcısı, “Pyotr Velikiy” kreyseri və onları müşayiət edən gəmilər tərk edəcək.
General-polkovnik Andrey Karpatov bildirib ki, aviadaşıyıcı qrup qarşısında qoyulan vəzifələri, o cümlədən Hava Hücumundan Müdafiə Qüvvələri ilə birlikdə Suriyada vahid Hava Hücumundan Müdafiə sisteminin yaradılması vəzifəsini uğurla yerinə yetirib:
“Dəniz aviasiyasının pilotları iki ay iştirak etdikləri döyüşlərdə 420 döyüş uçuşu yerinə yetirib ki, bunlardan da 117-ni axşam həyata keçirib”.
Qeyd edək ki, 30 dekabr 2016-cı il Moskva vaxtı ilə saat 00.00-dan Suriyanın bütün ərazisində atəşkəs elan edilib.
1news.az
