Tbilisidə “Gürcüstanın təhlükəsizliyi və müdafiəsi” mövzusunda X beynəlxalq konfrans işə başlayıb - FOTO | 1news.az | Xəbərlər
Dünya

Tbilisidə “Gürcüstanın təhlükəsizliyi və müdafiəsi” mövzusunda X beynəlxalq konfrans işə başlayıb - FOTO

16:50 - 24 / 05 / 2016
Tbilisidə “Gürcüstanın təhlükəsizliyi və müdafiəsi” mövzusunda X beynəlxalq konfrans işə başlayıb - FOTO

Mayın 24-də Tbilisidə “Gürcüstanın təhlükəsizliyi və müdafiəsi” mövzusunda X beynəlxalq konfrans işə başlayıb.

1news.az-ın AZƏRTAC-a istinadla verdiyi xəbərə görə, iki gün davam edəcək konfransda regional və qlobal təhlükəsizlik, bölgədə baş verən proseslər və mövcud münaqişələrin həlli yolları, avrointeqrasiya məsələləri müzakirə olunacaq.

NATO və Avropa İttifaqının rəhbər şəxslərinin, beynəlxalq təşkilatlar yanında daimi nümayəndəliklərin təmsilçilərinin, dünyanın 50-yə yaxın ölkəsindən hərbi ekspertlərin, parlamentarilərin, Tbilisidəki diplomatik korpusun nümayəndələrinin iştirak etdikləri tədbirdə Azərbaycanı Gürcüstandakı səfirliyimizin hərbi attaşe aparatının rəhbəri Xəzər Abbasov və aparatın zabitləri təmsil edirlər.

Tədbirdən əvvəl Gürcüstan Hərbi Hava Qüvvələrinin hərbçiləri paraşütdən tullanaraq bacarıqlarını nümayiş etdiriblər.

Gürcüstanın müdafiə naziri Tinatin Xidaşeli tədbiri açdıqdan sonra Baş nazir Giorgi Kvirikaşvili və başqaları çıxış edərək konfransın əhəmiyyətindən danışıblar. Bildirilib ki, bu cür tədbirlər regionda və dünyada sülhün, təhlükəsizliyin qorunmasında, ölkələr arasında əlaqələrin inkişafında mühüm rol oynayır.

Konfransda Cənubi Qafqazda və dünyada baş verən proseslər, münaqişələr və onların həlli yolları, qlobal və regional təhlükəsizlik barədə məsələlər müzakirə olunub, rəy və təkliflər səslənib.

Azərbaycan nümayəndələri konfransda və tədbir çərçivəsində keçirdikləri görüşlərdə ölkəmizin sosial-iqtisadi inkişafı, ordu quruculuğu sahəsində əldə etdiyi nailiyyətlər barədə məlumat veriblər.

Azərbaycanın Gürcüstandakı səfirliyinin hərbi attaşe aparatının rəhbəri polkovnik Xəzər Abbasov jurnalistlərə müsahibəsində deyib: “Konfransda və keçirdiyimiz görüşlərdə ölkəmizin bütün sahələr üzrə inkişafı, qazandığı uğurlar barədə məlumat veririk. Eyni zamanda, ermənilərin işğal etdikləri Azərbaycan torpaqlarında törətdikləri cinayətlər, atəşkəs rejimini pozmaları faktları, dinc əhaliyə qarşı kimyəvi və digər qadağan olunmuş silahlardan istifadə etmələrinə dair dəlillər diqqətə çatdırılır. Həmin faktları özündə əks etdirən foto və video materiallar CD vasitəsilə yüksək vəzifəli xarici qonaqlara təqdim olunur. Məqsədimiz Azərbaycanın haqq səsini bir daha dünya ictimaiyyətinin diqqətinə çatdırmaq və erməniləri ifşa etməkdir”.

Gürcüstanın müdafiə naziri Tinatin Xidaşeli jurnalistlərə bildirib ki, bu konfrans sülh uğrunda mübarizədə mühüm əhəmiyyət kəsb edir: “Bütün ölkələr sülh istəyirlər. Bizim də məqsədimiz sülhə nail olmaqdır və bu istiqamətdə tədbirlər görürük. Bu konfrans da həmin tədbirlərdən biridir. Əsas məqsədimiz regionda sabitliyi bərpa etmək və Cənubi Qafqazı təhlükəsiz zonaya çevirməkdir. İnanırıq ki, birgə səylərimizlə buna nail olacağıq”.

Konfrans mayın 25-də işini davam etdirəcək.

1news.az

Paylaş:
768

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər