Sarkisyan Ter-Petrosyanı Qarabağ münaqişəsi ilə bağlı planı açıqladığı üçün qınayıb
“Ekspertlər, siyasi xadimlər zaman-zaman dövrəyə belə deyək ki, Dağlıq Qarabağ münaqişəsinin nizamlanması ilə bağlı variantları irəli sürülər. Lakin həqiqətdə bu variantlar deyil, versiyalardır”.
Bu haqda Ermənistan prezidenti Serj Sarkisyan XİN-in təşkil etdiyi Yeni il qəbulu zamanı bildirib:
“Çox aydın şəkildə bəyan edirəm ki, indiyədək heç kəs açıq formada uzun zamandır müzakirə etdiyimiz variantı təqdim etməyib. Bu anlaşılan və qəbul ediləndir. Lakin təfərrüatlara gəldikdə bu zaman dolaşığa düşürlər və istəkləri barədə danışırlar”.
Onun sözlərinə görə, 2007-ci ildən Madrid prinsipindən başqa variant yoxdur. Bunun da iki səbəb var ki, cəmiyyət bundan məlumatlandırılmır.
Prezident qeyd edib ki, erməni tərəfi danışıqlar prosesində bir məqsədə qulluq edir – Dağlıq Qarabağ xalqı tərəfindən buranın (İrəvan tərəfindən idarə olunan separatçı rejim nəzərədə tutulur) müəyyən statusa nail olmasıdır.
“Bu prinsipdən əl çəkməyəcəyik”, - deyə S.Sarkisyan bildirib.
Xatırladaq ki, Ermənistanın ilk prezidenti Levon Ter-Petrosyan iLur.am saytında dərc olunan məqaləsində bildirib ki, “Madrid-Qazan-Lavrov” variantı Dağlıq Qarabağ münaqişəsinin nizamalanmasından məna etibarilə əvvəlki variantlardan heç nəyilə fərlənmir.
“İlkin mərhələdə erməni tərəfi Azərbaycanın yeddi rayonundan Kəlbəcər və Laçın istisna olmaqla, beşini qaytarmalıdır. Daha sonra qoşunların yeni təmas xəttində sülhməramlı qüvvələr yerləşirilməlidir. Üçünçü mərhələdə isə Dağlıq Qarabağın statusunun beynəxalq dərəcədə tanınması bəyan ediləcək. Bundan sonra Ermənistanla Qarabağın blokadası ləğv ediləcək və Azərbaycan, Qarabağ, Ermənistan və mümkünsə Türkiyə ilə bütün kommunikasiya xətləri bərpa ediləcək. Və bütün bunlardan sonra Dağlıq Qarabağın tam statusu təyin ediləcək. Sonuncu mərhələdə Laçın dəhlizindən başqa, qalan iki rayon Azərbaycana qaytarılacaq”.
L.Ter-Petrosyan öz məqaləsində bildirib ki, 2007-ci ildən başlayaraq son illər ərzində Erməsnitan tərəfi ATƏT-in Minsk qrupunun həmsədləri, xüsusən də Rusiya ilə münaqişənin nizamlanması ilə bağlı bu istiqamətdə danışıqlar aparırlar.
1news.az
