Erməni deputat: Son 25 ildə ilk dəfədir ki, biz ərazi “itkisinə” məruz qaldıq
Ermənistlı deputat Zarui Postanciyan bu gün düşmən ölkənin parlamentinin iclasında maraqlı sözlər ifadə edib.
1news.az-ın News.am-a istinadən verdiyi məlumatına əsasən, Postanciyan aprel döyüşləri zamanı Azərbaycan silahlı qüvvələrinin Ermənistan işğalından azad etdiyi ərazilər barədə xüsusi toplantı keçirməyi təklif edib.
“Yaran vəziyyətlə bağlı çıxış yollarının təklif olunması lazımdır. Son 25 ildə ilk dəfə ərazi itirmişik. Və biz bu məsələni nə müzakirə etdik, nə də çıxış yollarını təklif etdik. Rəsmilərimiz də bu barədə suallarımızı cavablandırmırlar”, - deyə deputat qeyd edib.
Deputat “itirimiş” ərazilərin necə “geri qaytarılması” yollarının axtarılmasının zəruri olduğunu bildirib.
Beləliklə, ermənilər bir daha aprel döyüşləri zamanı Azərbaycan ordusunun işğal olunmuş ərazililərimizin bir hissəsini azad etdiyini etiraf ediblər və, rəsmi İrəvanın münaqişə ilə bağlı danışıq prosesinə sadiq olduğu iddialarını təkzib edərək, Ermənistanda işğalçılıq siyasətinin davam etdirilməsi abu-havasının hök sürdüyünü sübut ediblər.
Bu haqda ATƏT-in həmsədrlərinin fikirləri çox maraqlı olardı. Görəsən, 25 ildən çoxdur ki, işğaldan əziyyət çəkən Azərbaycanı sülh yolu ilə məsələnin həllinə çağıran həmsədrlər ermənilərin ölkənin parlamentində işğalın davam etdirilməsi və genişləndirilməsi yollarını axtarmalarını necə qiymətləndirəcəklər?
1news.az
