1news.az

Zakir Qaralov hərbi hissədə vəfat edən əsgərin atasını qəbul edib – FOTO

14 Avqust saat 12:09 ~ 1 dəqiqəlik oxu 265
Zakir Qaralov hərbi hissədə vəfat edən əsgərin atasını qəbul edib – FOTO

Bir neçə gün öncə Müdafiə Nazirliyinin “N” saylı hərbi hissəsində dünyasını dəyişmiş əsgər Fəhmin Əbilovun atası Əbilov Akif Səməd oğlu Baş prokuror Zakir Qaralov tərəfindən qəbul edilib.

1news.az-ın verdiyi xəbərə görə, A.Əbilov görüşdən və ona verilən məlumatlardan razı qaldığını bildirib:

“Baş prokuror Zakir Qaralov bildirdi ki, iş şəxsən Azərbaycan Respublikasının Prezidenti İlham Əliyevin xüsusi nəzarətindədir. Açılmış cinayət işinin istintaqı barədə mənə ətraflı məlumat verdi. Bildirdi ki, artıq bu işdə təqsiri olan 3 nəfər həbs olunub”.

Əsgər atası onu da əlavə edib ki, ədalətli, düzgün istintaqın aparılacağına, hadisələrdə təqsiri olanların haqqında qanuni tədbirlərin görüləcəyinə inanır və hadisənin siyasiləşdirilməsinin qəti əleyhinədir.

Baş Prokurorluğun mətbuat xidmətinin rəhbəri Eldar Sultanov 1news.az-a faktı təsdiqləyərək bildirib ki, əsgər Fəhmin Əbilovun ölüm faktı ilə əlaqədar atası Akif Əbilov avqustun 13-də Baş prokuror Zakir Qaralov tərəfindən qəbul edilib.

E.Sultanov əlavə olaraq bildirib ki, hazırda cinayət işi üzrə Respublika Hərbi Prokurorluğunda zəruri istintaq tədbirləri davam etdirilir və yaxın günlərdə istintaqın gedişatı barədə ictimaiyyətə əlavə məlumat veriləcək.

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net