YUNESKO-nun koordinatoru Xalça Muzeyində beynəlxalq simpoziuma qatılacaq | 1news.az | Xəbərlər
Cəmiyyət

YUNESKO-nun koordinatoru Xalça Muzeyində beynəlxalq simpoziuma qatılacaq

12:58 - 19 / 09 / 2018
YUNESKO-nun koordinatoru Xalça Muzeyində beynəlxalq simpoziuma qatılacaq

Azərbaycan Xalça Muzeyi 25-27 oktyabr tarixlərində “Keçə sənətində kəsişmə nöqtələri” mövzusunda III Beynəlxalq “Türk dünyasının ortaq dili – naxışlar” simpoziumu çərçivəsində dekorativ-tətbiqi sənət sahəsində dünyaca məşhur mütəxəssisləri Bakıya toplayacaq.

Muzeyin mətbuat xidmətindən 1news.az-a bildiriblər ki, simpozium çərçivəsində “Keçəçilik ənənə kimi”, “Keçə müasir incəsənətdə”, “Keçə moda dünyasında bir trend kimi” mövzularında müzakirələr aparılacaq. Simpozium çərçivəsində iki tematik sərgi, ustad dərsləri, keçə məhsullarının yarmarkası və feşn şou (fashion show) təşkil olunacaq.

Simpoziumun beynəlxalq səviyyəli nüfuzlu iştirakçılarından biri Qırğızıstan Rəssamlar İttifaqının üzvü, YUNESCO-nun qeyri-maddi mədəni irs üzrə eksperti, sənətkarlığın inkişaf etdirilməsi üzrə ekspert Dinara Çoçunbayevadır. Dinara Çoçunbayeva beynəlxalq simpoziumda “Qırğız keçələri: ala-kiyiz və şırdak” mövzusunda məruzə ilə çıxış edəcək. Məlum olduğu kimi, Qırğızıstanda keçəçilik əsas xalq sənətkarlıq növlərindən biridir və buna görə də bu sənət növü əhəmiyyətini heç vaxt itirməyib. Rəssam, ictimai xadim və art menecer Dinara Çoçunbayeva özünü bu sahədə həm Qırğızıstanda, həm də beynəlxalq səviyyədə parlaq surətdə göstərib. O, həmçinin “Ənənəvi Qırğız şırdak keçəsi” kitabının müəllifidir.

Hal-hazırda Dinara Çoçunbayeva Qırğızıstanda Mərkəzi Asiyanın Sənətkarlığa dəstək üzrə Assosiasiyasının Resurs Mərkəzinin rəhbəri (CACSARC-kg) və 2004-cü ildən YUNESKO-nun Mərkəzi Asiya üzrə mükafat proqramının koordinatorudur. O, 2006-cı ildə məqsədi Mərkəzi Asiya xalqlarının sənətkarlıq və ənənəvi mədəniyyətlərinin qeydiyyat siyahısının tərtib edilməsi olan "Sənətlər və ənənəvi biliklər" İctimai Fondunu təsis edib.

Qeyd edək ki, Azərbaycan Respublikasının Mədəniyyət Nazirliyi və Azərbaycan Xalça Muzeyinin təşkilatçılığı ilə keçiriləcək beynəlxalq simpoziumun məqsədi türk dünyasının ümumi irsi sayılan keçə sənətinə həsr edilən elmi-tədqiqat işlərinin ideya mübadiləsi, bu sənət növünün adət və ənənələrinin qorunması, öyrənilməsi, ona marağın dirçəldilməsi, eləcə də, müxtəlif sahələrdə tətbiq edilməsidir.

1news.az

Paylaş:
302

Son xəbərlər

Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07
Bütün xəbərlər