YSK-nın qərarından sonra İmamoğlundan ilk açıqlama: Ümidinizi əsla itirməyin
CHP-nin İstanbul bələdiyyəsi üzrə seçkilərdə qalib gəlmiş namizədi Əkrəm İmamoğlu Türkiyə Ali Seçki Qurumunun (YSK) seçkilərin nəticələrini ləğv etməsinə münasibət bildirib.
1news.az Türkiyə mətbuatına istinadla xəbər verir ki, İmamoğlu iftar süfrəsi üçün qonaq olduğu məclisdə bununla bağlı ilk açıqlamasında deyib:
“Gündəm çox sıxdır. Ramazan ayınız mübarək olsun. Bu Ramazan Türkiyəyə uğurlar gətirsin. İqtisadi çətinliklər var, işsizlik var. Birlikdə bunların öhdəsindən gələcəyik.
Mənimlə əlaqədar qərar hər kəs maraqlandırır. YSK-nın rəsmi açıqlamasını gözləyirəm. Hər anımı bu şəhərin gözəl insanları ilə paylaşmağa söz verdim”.
İmamoğlu əlavə edib ki, rəsmi açıqlamadan sonra düşüncələrini bölüşəcək.
“Hər şey çox gözəl olacaq, ümidinizi əsla itirməyin. Biriləri səhv edəcək, pis işlərə qarışacaq, amma biz ümidli olacağıq”, deyə İmamoğlu fikrini tamamlayıb.
P.S.
