XİN rəhbəri: Bakı və İrəvan Milan görüşündə Qarabağa dair anlaşma əldə ediblər
Azərbaycanın xarici işlər naziri Elmar Məmmədyarov Milanda Dağlıq Qarabağ münaqişəsi üzrə danışıqlar zamanı erməni həmkarı Zöhrab Mnatsakanyanla qarşılıqlı anlaşma əldə olunduğunu bəyan edib.
1news.az "İnterfax"a istinadla xəbər verir ki, bunu E.Məmmədyarov 2018-ci ilin yekunlarına həsr edilmiş Azərbaycanda fəaliyyət göstərən diplomatik korpus rəhbərləri ilə qəbulda deyib.
"Hesab edirəm ki, uzun müddətdən sonra ilk dəfə Milanda erməni həmkarımla son görüşüm zamanı qarşılıqlı anlaşma əldə edə bildik", XİN rəhbəri vurğulayıb.
Məmmədyarovun sözlərinə görə, Dağlıq Qarabağ münaqişəsinin həlli yollarının axtarışı 2019-cu ildə də Azərbaycan üçün əsas vəzifə olaraq qalacaq.
Nazir qeyd edib: "Fəaliyyətimin böyük hissəsini Dağlıq Qarabağ münaqişəsinin həlli yollarının axtarışına həsr etmişəm. Bu, gələn ilin də əsas vəzifəsi olacaq. Əsas məqsəd nəzərəçarpacaq nəticələrə nail olmaqdır".
E.Məmmədyarov bildirib ki, növbəti ayda Ermənistanın xarici işlər naziri ilə görüşü olacaq: “Biz Dağlıq Qarabağ münaqişəsinin həlli yollarını müzakirə edəcəyik. Azərbaycan münaqişənin sülh yolu ilə həllinin tərəfdarıdır”.
P.S.