Xeyli miqdarda mobil telefon və qutuları aşkarlanıb

Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, “Sınıq Körpü” gömrük postunda Gürcüstandan gələn Azərbaycan vətəndaşının idarə etdiyi avtomobilə gömrük nəzarəti həyata keçirilib.

1news.az-ın Dövlət Gömrük Komitəsinə istinadən verdiyi xəbərə görə, baxış zamanı, həmin nəqliyyat vasitəsinin arxa sol “qanadının” içərisində 49 ədəd müxtəlif markalı telefonlar, qabaq sol “qanadında” isə həmin telefonlara aid 49 ədəd qutu aşkarlanıb.

Faktla bağlı araşdırma aparılır.

1news.az