1news.az

WhatsApp-ın səsli ismarış funksiyasına çoxdan gözlənilən yenilik gəlir - FOTO

18 Noyabr saat 18:07 ~ 1 dəqiqəlik oxu 2811
WhatsApp-ın səsli ismarış funksiyasına çoxdan gözlənilən yenilik gəlir - FOTO

WhatsApp-da “push-to-talk” səsli ismarışlar funksiyası hələ 2013-cü ildə yaranmış və həmin vaxtdan həmin funksiyada elə də böyük bir dəyişiklik olmamışdı.

1news.az-ın technote-a istinadla verdiyi xəbərə görə, indi isə görünür ki, həmin funksiya üçün ciddi yeniliklər gəlir.

Belə ki, messencerin yenilənmiş versiyasında öz səsli ismarışınızı yazmağa başladığınız zaman WhatsApp avtomatik olaraq mikrofon düyməsi yerində xüsusi interfeysi əks etdirəcək. Təqribi yarım saniyədən sonra isə istifadəçi fasiləsiz səsyazma prosesinə keçid edə biləcək. Beləliklə istifadəçi mikrofon düyməsini tutmadan öz səsini yaza biləcək. WABetaInfo saytı həmin interfeysin fotolarını təqdim edib.

Bununla yanaşı səsyazma prosesi zamanı istifadəçi öz köhnə ismarışlarına da baxa biləcək. Məsələn bu üsulla o biləcək ki, daha əvvəllər ikinci şəxs ilə hansı mövzularda söhbət aparıb. Bununla yanaşı yeni funksiyanın bir neçə məhdudiyyəti də olacaq. Belə ki, istifadəçi səsyazma prosesi zamanı foto və videoya baxa bilməyəcək. Bundan əlavə olaraq səsyazma zamanı mətn ismarışı yazmaq və digər çatlara yönlənmək də mümkün olmayacaq. Bunu edən zaman səsli ismarış avtomatik olaraq pozulacaq. Hal hazırda bu funksiya messencer tərtibatçıları arasında test edilir və yaxın zaman ərzində adi istifadəçilər üçün aktiv olmalıdır.

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Texnologiya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net