Vyanada ATƏT Parlament Assambleyasının qış sessiyası işə başlayıb | 1news.az | Xəbərlər
Siyasət

Vyanada ATƏT Parlament Assambleyasının qış sessiyası işə başlayıb

13:31 - 22 / 02 / 2018
Vyanada ATƏT Parlament Assambleyasının qış sessiyası işə başlayıb

Fevralın 22-də Vyanada ATƏT Parlament Assambleyasının (ATƏT PA) 17-ci qış sessiyası işə başlayıb.

1news.az  xəbər verir ki, ATƏT-ə üzv olan 57 ölkənin 300-dək parlamentarisinin iştirak etdiyi sessiyada ölkəmizi Milli Məclisin deputatları Azay Quliyev, Kamran Nəbizadə, Tahir Mirkişili, Elşad Həsənov və Ülviyyə Ağayeva təmsil edirlər.

Sessiyanın rəsmi açılışı Hofburq sarayının konqres mərkəzində daimi komitənin iclası ilə baş tutub. Açılış iclasında ATƏT PA-nın prezidenti Georgi Sereteli hesabatla çıxış edib.

ATƏT PA-nın vitse-prezidenti, Milli Məclisin deputatı Azay Quliyev çıxışında vəzifəsinin icrasına başladığı qısa müddət ərzində Assambleya prezidentinin fəaliyyətini yüksək qiymətləndirib, xüsusilə ölkələrin ərazi bütövlüyünün qorunması, münaqişələrin nizamlanması, radikallaşmaya qarşı mübarizə istiqamətində görülən işlərin təqdirəlayiq olduğunu söyləyib. O, tədbir iştirakçılarının diqqətini gələn ay keçiriləcək İpək Yoluna Dəstək Qrupunun Bakı Konfransına yönəldib. Bu tədbirə 20-dən çox ölkənin nümayəndələrinin qatılacağını vurğulayan A.Quliyev beynəlxalq təşkilatın rəhbər strukturlarının təmsilçilərini həmin konfransda görməkdən məmnun olacağını qeyd edib.

İkigünlük sessiyada ATƏT PA-nın demokratiya, insan hüquqları və humanitar məsələlər, iqtisadi məsələlər, elm, texnologiya və ətraf mühit, siyasi məsələlər və təhlükəsizlik komitələrinin iclasları keçiriləcək. Toplantıda iqlim dəyişikliyi və onun qlobal fəsadlarının uzunmüddətli mübarizə strategiyasının hazırlanması, ATƏT məkanında silahlara nəzarətlə bağlı yaranan problemlər və silah yayılmasının qarşısının alınması, yanlış informasiyaların demokratiyaya təsirləri mövzusunda müzakirələr aparılacaq.

Sessiya çərçivəsində fevralın 23-də ATƏT PA-nın İpək Yoluna Dəstək Qrupunun 2-ci iclası keçiriləcək. Burada qurumun əsasnaməsinə əlavə və dəyişikliklər ediləcək, Yunanıstan və Moldovanın təşkilat üzvlüyünə qəbuluna, İpək Yolunun bərpası təşəbbüsünü dəstəkləyən qətnamə layihəsinə, bu il martın 13-14-də Milli Məclislə qurumun birgə təşkilatçılığı ilə keçiriləcək ATƏT PA-nın İpək Yoluna Dəstək Qrupunun Beynəlxalq Bakı Konfransına dair məsələlər müzakirə olunacaq.

1news.az

 

Paylaş:
511

Son xəbərlər

FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10Türkiyədən ilhamlanmış “Beynəlxalq Sıfır Tullantı Günü” ilə tullantısız gələcək - FOTOBu gün, 12:58“Azneft”in rəhbərini işdən çıxardı - Yeni təyinatBu gün, 12:41Mərkəzi Bank: Azərbaycanda manata inam qorunub saxlanılıbBu gün, 12:38Sabah qərb küləyi əsəcək - ProqnozBu gün, 12:22“Azərbaycan” gəmi-bərəsi yenidən istismara qaytarılıb - FOTOBu gün, 12:15Meşə fondu torpaqlarında bayram günlərində 100 mindən artıq ağac əkilibBu gün, 12:12Sumqayıtda qanunsuz tikili sökülüb - VİDEOBu gün, 12:10Ombudsman Xankəndidə erməni əsilli sakinlərlə görüşübBu gün, 11:59Ermənistanın Baş naziri “mühacir Qarabağ hökumətini” tanımadığını bildiribBu gün, 11:53Ağdərədə odlu silah-sursat aşkarlandıBu gün, 11:46DTX 105-ci ildönümünə həsr olunan videoçarx yayımlayıb - VİDEOBu gün, 11:29
Bütün xəbərlər