Vəkil: Koçaryanla bağlı işi artıq Xüsusi İstintaq Xidməti araşdıra bilməz
Ermənistanın ikinci prezidenti Robert Koçaryanla bağlı iş artıq Xüsusi İstintaq Xidmətində araşdırıla bilməz.
1news.az erməni mətbuatına istinadla xəbər verir ki, bunu Koçaryanın vəkili Ayk Alumyan deyib.
"Biz tələb edəcəyik ki, araşdırmanı başqa bir qurum aparsın. Milli Təhlükəsizlik Xidməti və Xüsusi İstintaq Xidməti rəhbərləri arasında telefon danışıqlarının aparılması ilə əlaqədar başlanmış cinayət işinə gəldikdə isə, bu, araşdırma qeyd edilən qurumlar tərəfindən aparıla biləməz”, vəkil deyib.
Xatırladaq ki, sentyabrın 11-də sosial şəbəkədə Milli Təhlükəsizlik Xidmətinin direktoru Artur Vanetsyan və Xüsusi İstintaq Xidmətinin rəhbəri Sasun Xaçatryanın skandal telefon danışıqlarınınsəsyazısı yayılıb. Tərəflər ikinci prezident Robert Koçaryana və KTMT baş katibi Yuri Xaçaturova qarşı cinayət işi ilə bağlı məsələləri müzakirə ediblər.
Qeydin həqiqiliyi həm Ermənistanın baş naziri Nikol Paşinyan, həm də söhbət iştirakçıları tərəfindən etiraf olunub.
P.Sultanova
