Vanetsiyan Paşinyana cavab verdi: Zaman kimin zibillikdə olduğunu göstərəcək

Zaman kimin və nəyin zibillikdə olduğunu göstərəcək.

1news.az “Tert”ə istinadla xəbər verir ki, bu barədə Ermənistanın milli təhlükəsizlik xidmətinin direktoru vəzifəsindən istefa vermiş Artur Vanetsyan  baş nazir Nikol Paşinyanın onun davranışını “bu, paqonları zibil qutusuna atmaq deməkdir” ifadəsinə cavab olaraq bildirib.

“Ermənistanın baş naziri Nikol Paşinyan Los-Ancelesdə keçirdiyi mətbuat konfransında yenə də az bildiyi məsələlər barədə danışıb. İstefa verməyimə baxmayaraq, Paşinyan yanıma adamlar göndərərək, vəziyyətin sakitləşməsi üçün susmağımı istədi. Ancaq görürəm ki, o növbəti dəfə anlaşmanı pozaraq, anlaşılmayan, populist bəyanatlar verib. Aydındır ki, ictimai əhval-ruhiyyəyə qısamüddətli təsir göstərmək istəyində olan Nikol Paşinyan yenə də sözlərinin nəticələri barədə düşünmür. Təsəvvür edin ki, birdən mən nəticələri düşünmədən danışmağa başlasam nə olar?", deyə Vanetsiyan vurğulayıb.

O daha sonra deyib: "Yaxşı, nə vaxtadək ictimaiyyətə yalan danışıb, “bizimlə olmayanlar - milləti satanlardır” tezisini irəli sürəcək? Baş nazir onunla razı olmayanlarla xələflərinin etdiyi kimi davranır. Yenə təkrar edirəm, məni əvvəlkilərlə bağlamağa cəhd etməyin”.

Vanetsiyan  Paşinyanı Konstitusiyanı bilməməkdə də ittiham edib. Deyib ki, bu qanuna əsasən, müharibə şəraiti olmayanda baş nazir ali baş komandan səahiyyətini daşımır: "İstefa barədə bəyanatımı oxusa, əminəm ki, nəyi nəzərdə tutduğumu başa düşəcək. Ona görə də zamanın kimin və nəyin zibilliyə atacağını göstərəcəyinə əminəm”.

Qeyd edək ki, Artur Vanesyan sentyabrın 16-da istefa verib. Onun bununla bağlı bəyanatı Ermənistan Milli Təhlükəsizlik Xidmətinin saytında yerləşdirilsə də sonra silinib.

Los-Anselesə səfəri zamanı Nikol Paşinyan keçirdiyi mətbuat konfransında Vanetsyanı ciddi tənqid edib, onun davranışının zabit paqonlarını zibil qutusuna atmaq kimi dəyərləndirib. Əlavə edib ki, sonuncu dəfə 1991-ci ildə sovet dövründə qiyamçılar belə etmişdi.

Xatırladaq ki, Vanetsyan həmin bəyanatında Paşinyana xitabən: “Mən hökuməti ayıltmaq üçün istefa verirəm” və “Dayan!” ifadələri yer alıb.

P.S.