Futbol

United Sport MFL 2018/19-un 6-cı turu: liderlərin mübarizəsi gərginləşir – FOTO – VİDEO

14:45 - 10 / 12 / 2018

Azərbaycanın futbol üzrə ən böyük həvəskarlar liqası olan United Sport MFL 2018/19-un VI turu baş tutub.

1news.az-ın verdiyi xəbərə görə, bazar ertəsi günü “MFL Arena”nın meydanlarına Infinity Konferensiyasının komandaları, cümə axşamı günü isə Platinum Konferensiyasının komandaları çıxıb.

Qeyd edək ki, keçən turlarda olduğu kimi 6-cı tur da gərgin mübarizə şəraitində keçib. Infinity Konferensiyasında günün ən qollu qarşılaşması “Rəcəbspor” və “Moskva TM” komandaları arasında keçirilən görüşdə qeydə alınıb – 10 qol. “Beerbaşa” – “Səbail FK” və “Maisan” – “Western Warriors” oyunlarının taleyini isə bir qol həll edib.

6-cı turda Infinity konferensiyasının ən yaddaqalan məqamları:

Infinity Konferensiyasının VI Turunun tamamında iki komanda maksimum nəticə göstərərək 18 xalla turnir cədvəlinin 1-ci və 2-ci yerlərini bölüşürlər. “Moskva TM” və “Astara FK” komandalarını bir-birindən yalnız 7 top fərqi ayırır. Növbəti turlarda bu iki komanda xal itirmədən davam etsələr, MFL həvəskarlarını çox maraqlı bir oyun gözləyəcək.

Aşağıda 10 dekabr tarixində Infinity Konferensiyasının VII turunda baş tutacaq oyunların cədvəlini təqdim edirik.

Dekabrın 6-da isə Platinum konferensiyasının 6-cı turunun oyunları keçirilib. Bu konferensiyada da azarkeşlər maraqlı qarşılaşmalara şahidlik ediblər. Tur “Qaraçuxur”, “Rulewave Baku”, “Kapital Bank” və “Sirena Motors” komandalarının rəqibləri üzərində böyükhesablı qələbələri ilə əlamətdar olub. İki görüşdə isə bərabərlik qeydə alınıb.

6-cı turda Platinum konferensiyasının ən yaddaqalan məqamları:

Platinum Konferensiyasının VI turunun tamamında top nisbəti üstünlüyü “Rulewave Baku” komandasını turnir cədvəlinin ilk pilləsində qərarlaşdırsa da, “Meyit United” və “Muğanbank” komandaları da eyni nəticə ilə topladıqları maksimum xal hesabı ilə ilk 3-lükdə qərarlaşıblar.

Aşağıda 13 dekabr tarixində Platinum Konferensiyasının VII turunda baş tutacaq oyunların cədvəlini təqdim edirik.

Yeri gəlmişkən, cümə axşamı, dekabrın 6-da MFL TV-nin efirində #FootballTalk verilişinin növbəti buraxılışı işıq üzü görüb. Aparıcı Rəfiqə Əzizin qonaqları tanınmış idman jurnalisti Sənan Şəfizadə və CS komandasının kapitanı Coşqun Cəbiyev olub. Sənan futbol anonsçuluğundan, Coşqun isə CS komandasının bu ilki prespektivindən danışıb.