United Sport MFL 2018/19: Azərbaycanın ən böyük liqasının 52 komandası mübarizəyə başlayır – FOTO – VİDEO | 1news.az | Xəbərlər
Futbol

United Sport MFL 2018/19: Azərbaycanın ən böyük liqasının 52 komandası mübarizəyə başlayır – FOTO – VİDEO

14:46 - 16 / 10 / 2018
United Sport MFL 2018/19: Azərbaycanın ən böyük liqasının 52 komandası mübarizəyə başlayır – FOTO – VİDEO

Yaxın günlərdə futbol üzrə 52 həvəskar komanda Azərbaycanın ən böyük həvəskarlar liqası United Sport MFL-in 2018/19-cu illər üzrə üçüncü mövsümdə çempionluq uğrunda mübarizəsinə başlayacaq.  

Şənbə günü yeni mövsümün püşkatma mərasimi keçirilib. Mərasimdə AFFA-nın baş katibi Elxan Məmmədov, MFL-in direktoru Rəhman Hacıyev, komandanın nümayəndələri və fəxri qonaqlar iştirak edib. Tədbir İTV və CBC Sport kanalları vasitəsilə işıqlandırılıb.

Yeni mövsümdən etibarən MFL "United Sport" şirkətinin timsalında baş sponsor əldə etdi, çempionat isə United Sport MFL 2018/19 adını qazandı. Həmçinin MFL-in digər sponsorları – Sirena Motors, LSS, BOS Shelf, McDonald's, ÖDƏAL, Muğan Bank-dır.

Açılış mərasimində çıxış edən Elxan Məmmədov qeyd edib ki, AFFA MFL-ə hər cür dəstək göstərir:

“Futbolun daha çox ictimailəşdirilməsi AFFA-nı sevindirir. Ümid edirəm ki, mini futbol liqası gələcəkdə əsl Milli Futbol Liqasına çevriləcək. Artıq bu istiqamətdə işlər aparılır. İmkan daxilində çempionatın bütün matçlarına baxmağa çalışıram. MFL-in matçlarını seyr edərkən burada iştirak etmək istəyim yaranır. Lakin buradakı güclü oyunçuları nəzərə alaraq buna risk etmək istəmirəm. İki mövsüm MFL-də AFFA-nı təmsil edən komanda çıxış edib. Təəssüflər olsun ki, bu mövsüm onlar iştirak etməyəcək. Ola bilsin ki, növbəti mövsümdə mən özüm də MFL-də iştirak etdim”.

MFL-in direktoru Rəhman Hacıyev çıxışında liqanın üçüncü mövsümü ilə əlaqədar daha ətraflı danışıb:

“MFL yenə də ölkənin ən böyük həvəskar liqası adını qoruyub saxlaya bilir. Budəfəki mövsümdə 52 komanda iştirak edəcək. Bu o deməkdir ki, United Sport MFL 2018/19-də 900 nəfər futbolçu oynayacaq. Həmçinin United Sport MFL 2018/19 budəfəki mövsümdə bir çox yeniliklər təqdim edəcək. Əminəm ki, bizi çox maraqlı mövsüm gözləyir.

MFL "United Sport" şirkətinin timsalında baş sponsor əldə etdi. Göstərikləri dəstəyə görə bütün sponsorlarımıza dərin təşəkkür edirik. Xüsusilə də, AFFA prezidenti Rövnəq Abdullayevə və federasiyanın baş katibi Elxan Məmmədova dərin minnətdarlığımızı bildirmək istərdim. AFFA-sız bu turnirin keçirilməsi mümkün olmazdı”.

Həmçinin tədbirdə United Sport-un baş meneceri Anar Dadaşov da çıxış edərək yeni mövsümün bütün iştirakçılarına müvəffəqiyyətlər arzu edib:

“United Sport hər zaman idmanı dəstəkləyib və futbola xüsusi diqqət ayırıb. Öz tərəfimizdən komandaların lazımi avadanlıqla təmin edilməsi üçün əlimizdən gələni edirik”.

52 komanda iki konferensiyaya ayrılıb. İlk səkkiz yeri qazanan komandalar pley-off mərhələsinə yüksələrək qalibiyyət uğrunda mübarizə aparacaq. United Sport MFL 2018/19-in qalibi 10 000 manat qazanacaq. Finalçı isə 2 000 manat. Üçüncü yerin sahibi növbəti mövsümdən ödənişdən azad olunacaq.

Mövsümün (MVP) ən yaxşı futbolçusu LSS şirkətindən 400 manat dəyərində həvəsləndirici mükafat, ən yaxşı bombardir isə 300 manat qazanacaq. Bundan əlavə, mövsümün yekunlarına əsasən, altı futbolçunun daxil olduğu Dream team olacaq. Hər bir oyunçu 300 manat əldə edəcək.

Öz növbəsində də BOS Shelf şirkəti ən yaxşı assistent və qolkiperi 200 manat civarında təltif edəcək. Bundan əlavə, komandalardan birinə Fair-Play mükafatı veriləcək ki, bu da növbəti mövsümdə ÖDƏAL şirkətindən 50% həcmində endirim qazandıracaq.

Mövsümün başlanması gələn həftəyə təsadüf edəcək.

MFL-də artıq üçüncü mövsüm çıxış edəcək “Baku Eagles” komandasının kapitanı İlkin Tahirov 1news.az-la söhbət zamanı qeyd edib ki, onlar yenə də qələbə qazanmaq üçün oynayacaqlar:

“Komandamızda bir sıra dəyişikliklər oldu. Hər mövqeyə uyğun yeni oyuncular cəlb etmişik. Komandada ən başlıcası – nizam-intizamdır. İlk məqsəd pley-off mərhələsinə yüksəlməkdir. Sonra isə finala və qələbə qazanmaq üçün mübarizə aparacağıq”.

“Moskva AVM” komandasının qolkiperi Amin Hüseynov qeyd edib ki, yeni mövsümün başlanmasını səbrsizliklə gözləyir:

“MFL yatmış aslanları oyadıb. Bir çoxları bu cür çempionatın keçirilməsini istəyirdi. MFL-ə minnətdarıq. Artıq üçüncü ildir ki, burada oynayıram. MFL çoxlu dostlar qazandığım yeni dünyadır”.

Məqsədi – futbol oynayan həvəskar komandaları yüksək səviyyədə təşkil edilmiş turnir çərçivəsində birləşdirməkdir.

MFL-in matçları Bakı Olimpiya Stadionunun ərazisində “MFL ARENA” idman kompleksinin meydanlarında baş tutur.

Hər bir oyun zamanı təhlükəsizlik xidməti ilə yanaşı, AFFA-nın hakimlər briqadası, peşəkar həkimlər və MFL nümayəndləri iştirak edir. Bu da Liqanın obyektivliyini və təhlükəsizliyini təmin edir.

Heç şübhəsiz ki, United Sport MFL-in yeni mövsümü futbolsevələr üçün yeni həyəcanlar, mübarizə və çəkişmələr bəxş edəcək.

Tərcümə: S.Xankişiyeva

 

 

Paylaş:
2233

Son xəbərlər

Məktəblərdə tətildən sonrakı ilk iş günü açıqlandıBu gün, 15:33Füzuli, Ağdam, Ağdərə, Xocalı və Tərtərdə yol layihələrinin icrası davam etdirilir - FOTOBu gün, 15:10Azərbaycanda yeni idman kanalına lisenziya verilibBu gün, 15:05Sumqayıtda 7 yaşlı uşağın ölümə səbəb olmaqda ittiham olunan məşqçiyə hökm oxunduBu gün, 14:51“McDonald’s Azərbaycan” və DSMF şəhid övladları üçün xeyriyyə tədbiri keçirib - FOTO - VİDEOBu gün, 14:45“For Azerbaijan” Beynəlxalq Xeyriyyə Təşkilatının elan etdiyi qrant müsabiqəsində 82 layihə təklifi qəbul edilibBu gün, 14:39Milli Məclisin 29 martda keçiriləcək iclasının gündəliyi açıqlandı - SİYAHIBu gün, 14:36“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılırBu gün, 14:25AYNA xəbərdarlıq edir: Taksi sürücülərinin təlimlərdə əyani iştirakı mütləqdir!Bu gün, 14:15Kamaləddin Qafarov: “Azərbaycan-Gürcüstan əməkdaşlıq əlaqələri yeni sahələri əhatə edəcək”Bu gün, 14:10Hərbi qulluqçuların maarifləndirilməsi üzrə keçirilən tədbirlər davam etdirilirBu gün, 13:56Bakıda bankdan oğurluq edilməsinin qarşısı alınıb - VİDEOBu gün, 13:48Xəzər dənizi vasitəsilə 29,7 kq narkotikin Azərbaycana gətirilməsinin qarşısı alınıbBu gün, 13:35FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19
Bütün xəbərlər