1news.az

Ulduz alan hotellərdə monitorinqlər keçiriləcək

27 İyun saat 16:21 ~ 1 dəqiqəlik oxu 69
Ulduz alan hotellərdə monitorinqlər keçiriləcək

Azərbaycanda ulduz alan hotellərdə açıq və gizli monitorinqlər keçiriləcək.

1news.az-ın Trend-ə istinadən verdiyi xəbərə görə, bunu Dövlət Turizm Agentliyinin mətbuat xidmətinin rəhbəri Kənan Quluzadə deyib.

Onun sözlərinə görə, hazırda bütün hotellər aldıqları ulduzlara uyğun xidmət etmir: "Bakıda 100-dən çox hoteldə bu baxımdan problem yoxdur, ancaq regionlarda bu, var".

K.Quluzadə əlavə edib ki, Azərbaycan Hotellər Assosiasiyası Avropanın Otellər Assosiasiyasının üzvü olduğu üçün hotellər həmin qurumun standartlarına uyğun şəkildə ulduz alacaq.

Agentlik rəsmisi qeyd edib ki, ulduzlar verilən hotellərdə açıq və gizli monitorinq aparılacaq: "Açıq monitorinq birbaşa fəaliyyətin yoxlanılmasından ibarətdir, həmçinin məşhur saytlar vasitəsilə qoyulan rəyləri izləyəcəyik. Gizli monitorinq isə Avropa və Azərbaycanın Hotel assosiasiyalarının mütəxəssisləri burada gizli olaraq qonaq kimi qalacaqlar, sonradan isə monitorinqin nəticələrini təqdim edəcəklər".

1news.az

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net