Ukraynanın məşhur marketoloqu Bakını ziyarət edəcək – VİDEO | 1news.az | Xəbərlər
Cəmiyyət

Ukraynanın məşhur marketoloqu Bakını ziyarət edəcək – VİDEO

10:30 - 19 / 10 / 2018
Ukraynanın məşhur marketoloqu Bakını ziyarət edəcək – VİDEO

Öz məhsulunu və ya xidmətini bazara çıxaran demək olar ki, hər bir istehsalçı özünə bu sualı verir – “İstehlakçının diqqətini necə cəlb etmək olar?”

Azərbaycan bazarı artıq aqressiv reklam, PR fəaliyyətinə ayrılan böyük büdcələr, müştərilər ilə yerində iş kimi hallara öyrəşıb. Buna baxmayaraq, ümumilikdə keyfiyyətli olan məhsulun reklam və təşviqə sərf edilmiş bütün səylərə rəğmən istehlakçı sadiqliyi baxımından oxşar, bəzən isə daha aşağı keyfiyyətli məhsul və xidmətlərə uduzması hallarının sayı azalmır. Bununla belə, bu və ya digər brendlərin parlaq yüksəlişi və fantastik populyarlıq hekayələri, etdikləri bütün cəhdlərə və göstərdikləri bütün səylərə baxmayaraq bu cür uğur qazana bilməmiş biznesmenləri narahat etməyə davam edir.

Bəs məsələ nədən ibarətdir? İstehlakçıya məhsulunuzun daha üstün olduğuna necə inandırmaq olar? Brendin fəlsəfəsi nəyə əsaslanmalıdır? Və səriştəli cavab almaq üçün bütün bu suallar kimə ünvanlanmalıdır? Bu suallar heç də mənasız suallar deyil. Belə ki, Bakıda həmin suallara praktiki nümunələrə əsaslanan səriştəli cavablar almaq üçün kifayət qədər unikal bir imkan yaranıb.

29 noyabr tarixində “Boulevard Hotel Baku” mehmanxanasında “FEDORIV” müstəqil yaradıcı şirkətinin sahibi və təsisçisi Andrey Fedoriv tərəfindən brendlərə və yeniliklərə həsr olunmuş “BRANDFATHER” təlim seminarı keçiriləcək.

“Tədbirin iştirakçılarına müəllif üsulu təklif olunacaq. Bu metodologiya biznesmenlər, şirkət rəhbərləri və startap sahibləri, bir sözlə, brendi əlinə alaraq onun “atası” olmaq istəyən bütün şəxslər üçün üçün faydalı olacaq. Bakıdakı seminar özündə Berlin, Kiyev, Almatı, Bakı və London kimi şəhərləri ehtiva edən beynəlxalq turne çərçivəsində keçiriləcək”, – deyə Andrey Fedoriv bildirib.

Sahibkarlıqdan kənar şəxslər belə anlayırlar ki, güclü brend biznesin müvəffəqiyyətli olmasını təmin edir. Və güclü brendə həm iri, həm də kiçik şirkətlər, habelə müstəqil ekspertlər və qeyri-kommersiya təşkilatları ehtiyac duyur. Gəlin Ukrayna, Qazaxıstan, Azərbaycan, Rusiya, eləcə də Avropa Birliyi ölkələri və ABŞ-da yüzlərlə uğurlu brendin inkişafında 20 illik təcrübəyə malik Andrey Fedorivin metodologiyasının bəzi postulatlarını üzə çıxaraq.

Uğurlu brendin yaradılması iki istiqamətdə işləmək qabiliyyətini tələb edir. Bu istiqamətlərdən birincisi ağlabatan və adekvat, şirkətlər isə burada əsasən müvəffəq olsa da, ikinci istiqamət istehlakçının emosiyaları və duyğularına əsaslanır. Hər iki istiqamətdə bərabər dərəcədə müvəffəqiyyətli olmaq çox vacibdir. Yekun qərarda istehlakçının əqli və duyğusal münasibətinin birləşdirilməsi – brendinq incəsənəti məhz bundan ibarətdir. Yüksək keyfiyyətli məhsul və ya xidmət hazırlayıb əsas istehlakçı kütləsinin nəzərindən kənarda qalmaq da olar, məhsulu düzgün brend ilə əhatə edərək həmişəlik müştərinin qəlbində qalmaq da.  

Qeyd etmək lazımdır ki, Andrey Fedorivin köməyi ilə dünyanın müxtəlif hissələrindəki yüzlərlə brend qlobal olmağı bacarıb. “FEDORIV” beynəlxalq yaradıcı şirkətinin təsisçisi olan ekspert, uğurlu sahibkar kimi tanınır. Almaniya, ABŞ, Norveç, İsveçrə, Səudiyyə Ərəbistanı və Sinqapur da daxil olmaqla, 15-dən çox ölkədə fəaliyyət göstərən biznes nümayəndələri ilə işləyən şirkət üç ədəd Red Dot Awards mükafatı, FWA mükafatı, awwwards və iF Design mükafatı ilə təltif olunub.  

Marketinq kurslarının, eləcə də sahibkarlığın təbliğatına həsr olunmuş “FEDORIV VLOG” YouTube vloqunun müəllifi olan Andrey Fedoriv biznes təlimçisı kimi də kifayət qədər ciddi uğurlar qazanıb.

Marketinq tədbirində iştirak edərək hər kəs özü üçün biznesin idarə edilməsi üzrə əsas alətləri müəyyən edə, eləcə də brend yaratmağı və onları biznesin inkişafı baxımından güclü alətə çevirməyi, bu cür məqsədlərə məhdud büdcə və qısa müddət çərçivəsində nail olmağı öyrənə biləcəksiniz.

Biznes rəhbərləri marketinq şöbələrinin və reklam agentliklərinin işinə nəzarət etməyi və brendlər ilə iş zamanı başqa insanların səhvi ucbatından pul itirməməyi öyrənə biləcəklər. Seminar qida məhsulları, elektron ticarət, pərakəndə satış, daşınmaz əmlak, bank işi və B2B sahələrində uğurlu brend inkişafı nümunələri ilə tanış olmaq imkanı yaradacaq.

Tədbir, 29 noyabr tarixində aşağıdakı ünvanda yerləşən “Boulevard Hotel Baku” mehmanxanasında (Tağıyev zalında) keçiriləcək: Bakı şəhəri, Xəqani Rüstəmov küç. 4C.

İştirak və ödəniş ilə bağlı sualları [email protected] elektron ünvanına göndərə bilərsiniz.

Seminar ilə bağlı ətraflı məlumat əldə etmək üçün http://events.fedoriv.com/baku ünvanına müraciət edin.

Reklam hüququnda

 

 

Paylaş:
520

Son xəbərlər

Füzuli, Ağdam, Ağdərə, Xocalı və Tərtərdə yol layihələrinin icrası davam etdirilir - FOTOBu gün, 15:10Azərbaycanda yeni idman kanalına lisenziya verilibBu gün, 15:05Sumqayıtda 7 yaşlı uşağın ölümə səbəb olmaqda ittiham olunan məşqçiyə hökm oxunduBu gün, 14:51“McDonald’s Azərbaycan” və DSMF şəhid övladları üçün xeyriyyə tədbiri keçirib - FOTO - VİDEOBu gün, 14:45“For Azerbaijan” Beynəlxalq Xeyriyyə Təşkilatının elan etdiyi qrant müsabiqəsində 82 layihə təklifi qəbul edilibBu gün, 14:39Milli Məclisin 29 martda keçiriləcək iclasının gündəliyi açıqlandı - SİYAHIBu gün, 14:36“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılırBu gün, 14:25AYNA xəbərdarlıq edir: Taksi sürücülərinin təlimlərdə əyani iştirakı mütləqdir!Bu gün, 14:15Kamaləddin Qafarov: “Azərbaycan-Gürcüstan əməkdaşlıq əlaqələri yeni sahələri əhatə edəcək”Bu gün, 14:10Hərbi qulluqçuların maarifləndirilməsi üzrə keçirilən tədbirlər davam etdirilirBu gün, 13:56Bakıda bankdan oğurluq edilməsinin qarşısı alınıb - VİDEOBu gün, 13:48Xəzər dənizi vasitəsilə 29,7 kq narkotikin Azərbaycana gətirilməsinin qarşısı alınıbBu gün, 13:35FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56
Bütün xəbərlər