Türkiyədə hərbi sursat anbarında baş vermiş partlayışda 4 hərbçi həlak olub
Noyabrın 9-da Türkiyənin Hakkari bölgəsinin İraqla sərhədində yerləşən Şemdinli rayonuna bağlı Derecik Ortaklar kəndində hərbi sursat anbarında baş verən partlayışda dörd hərbçi həyatını itirib.
Hadisənin təfərrüatı barədə Türkiyə Prezidenti Rəcəb Tayyib Ərdoğan məlumat verib. Partlayış nəticəsində, həmçinin 20-dək hərbçinin yaralandığı bildirilir. Yaralılar helikopterlərlə Yüksekova və Hakkari xəstəxanalarına çatdırılıb.
Hələlik partlayışın səbəbi açıqlanmır. Hadisənin baş verdiyi yerdən videomaterial yaymaq rəsmən qadağan olunub.
308