Türkiyədə Azərbaycan prezidentinin iştirakı ilə D-8 sammiti başlayıb | 1news.az | Xəbərlər
Siyasət

Türkiyədə Azərbaycan prezidentinin iştirakı ilə D-8 sammiti başlayıb

12:50 - 20 / 10 / 2017
Türkiyədə Azərbaycan prezidentinin iştirakı ilə D-8 sammiti başlayıb

Türkiyənin İstanbul şəhərində islam ölkələri arasında iqtisadi-ticarət əlaqələrini gücləndirmək məqsədilə 1997-ci ildə yaradılmış D-8 ölkələri dövlət başçılarının zirvə toplantısı başlayıb.

1news.az-ın APA-ya istinadən verdiyi xəbərə görə, zirvə toplantısında D-8 təşkilatına müşahidəçi qismində üzv olan Azərbaycan Respublikasının prezidenti İlham Əliyev də iştirak edir.

Toplantının açılışında çıxış edən D-8 təşkilatının dönəm sədri, Pakistanın baş naziri Şahid Xaqan Abbasi üzv ölkələr arasındakı iqtisadi-ticari əlaqələrin gücləndirilməsi üçün bundan sonra daha qəti addımlar atılmasının lüzumunu vurğulayıb. Kuala-Lumpurdakı zirvə toplantısında qarşıya qoyduqları məqsədlərə çata bilmədiklərinə diqqəti cəlb edən Şahid Xaqan Abbasi bildirib ki, İX zirvə toplantısında qarşılıqlı mənafeyin və əməkdaşlığın önəmi vurğulanacaq, iqtisadi əlaqələrin mövcud durumu və inkişafı müzakirə ediləcək:

“Bundan sonrakı dönəmdə əməkdaşlığımızın sürətini artırmaq məcburiyyətindəyik”. Baş nazir Abbasi üzv ölkələr arasında iqtisadi əlaqələrin gücləndirilməsi üçün özəl sektorun önündəki əngəllərin aradan qaldırılmasının vacibliyini qeyd edib. Sədrliyi Türkiyəyə təhvil verməkdən məmnun olduqlarını söyləyən Şahid Xaqan Abbasi bundan sonra D-8 təşkilatının fəaliyyətinə Pakistanın hər cür dəstəyi verəcəyini deyib.

Sonra çıxış edən Türkiyə Cümhuriyyətinin prezidenti Rəcəb Tayyib Ərdoğan 1997-ci ildə təşkilat qurularkən dünyada mövcud olan ədalətsizliklərin yenə də davam etməsini təəssüflə qeyd edib: “Təşkilatı qurarkən müharibə yerinə sülh, münaqişə yerinə dialoq, ikili standart yerinə ədalət və inkişaf prinsiplərindən bəhs etmişdik. Müstəmləkənin yerini gəlirin ədalətli bölüşdürülməsi, təzyiqin yerini demokratiyanın tutmasını istəmişdik. İyirmi ildə gəldiyimiz nöqtədə narahatlıqlarımızda nə qədər haqlı olduğumuzu gördük”.

R.T. Ərdoğan Uzaq Şərqdən Orta Şərqə və Afrikaya qədər müsəlmanların məruz qaldıqları təzyiqlərdən danışıb: “Mövcud dünya sistemi bir ovuc azlıqdan başqa heç kimi xoşbəxt etmir. Bu qədər istehsalın, bu qədər zənginliyin olduğu dünyada hələ də Afrikadakı insanların gündəlik ehtiyacları təmin olunmur”.

D-8 təşkilatı yaradılarkən üzv ölkələr arasında adam başına düşən milli gəlirin ortalama 1820 dollar olduğunu xatırladan Türkiyə prezidenti, hazırda bu rəqəmin 4500 dollara çatdığını, ancaq bunun daha da yüksəldilməsi üçün əməkdaşlığın gücləndirilməsinin vacibliyini vurğulayıb.

Prezident Ərdoğan hazırda D-8 ölkələri arasında 100 milyard dollar olan ticarət dövriyyəsinin gələcəkdə 500 milyard dollara çıxarılmasının əsas hədəfləri olduğunu deyib. Təşkilata yeni üzvlər qəbul etməkdən çəkinməmək lazım olduğuna diqqəti cəlb edən R. T. Ərdoğan təşkilatın toplantılarında qərarların yekdilliklə deyil, səs çoxluğu ilə qəbul edilməsinin işlərin daha sürətlə görülməsinə səbəb olacağını söyləyib:

“Hamımız D-8-ə sahib çıxmalı, təşkilatın daha məhsuldar işləməsi üçün daha çox zəhmət çəkməliyik”.

Babək Cahandarov

Paylaş:
679

Son xəbərlər

Deputat: “Dünyada pensiya yaşının azaldılması yox, artırılması müzakirə olunur”Bu gün, 13:45Növbəti köç karvanı Füzuliyə çatıb, mənzillərin açarları təqdim edilib - YENİLƏNİB 1Bu gün, 13:41Bu şəxslərin təhsil haqqını dövlət ödəyəcəkBu gün, 13:34“Əlavə kassasiya qaydasında verilən şikayətlər əksər hallarda təmin olunmur” - Vəkillərdən ŞƏRHBu gün, 13:20Deputatdan TƏKLİF: “Təcili tibbi yardım helikopterləri alınsın”Bu gün, 12:54Azərbaycan cəmiyyəti işğalda olan kəndlərin azad ediləcəyinə inanır? - SORĞUBu gün, 12:41Şənbə günü hava necə olacaq?Bu gün, 12:38Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09Milli Məclisin iclası başlayıb, 21 məsələ müzakirə olunacaq - SİYAHIBu gün, 11:02Quş qripi xəstəliyinə qarşı epizootoloji monitorinq keçiriləcəkBu gün, 10:56
Bütün xəbərlər