Turistlər gördüklərindən şoka düşdülər: timsah timsahı yedi – VİDEO

Gölün sahilində kiçik alliqatoru tutub parçalayan və yeyən nəhəng alliqatoru görən turistlər şoka düşüblər.

1news.az-ın Milli.az-a istinadən verdiyi xəbərə görə, olay ABŞ-ın Florida ştatında, Orlando yaxınlığındakı Apopka gölündə yaşanıb.

"Oğlum Lendon nəhəng alliqatoru görəndə "Dayan!" qışqırdı. Maşını yolun kənarında saxladım, baş verənləri daha yaxşı görmək üçün maşından çıxdım. Yaxına gedəndə gördüm ki, nəhəng alliqator daha kiçik, 150-180 sm uzunluğunda olan timsahı parçalayaraq yeyir", - videonun müəllifi deyib.

Turistlər bu olaya təxminən 10 dəqiqə baxıblar. Nəhəng timsah şikarını suyun altına aparandan sonra turistlər göl sahilini tərk ediblər.

1news.az