1news.az

TRT-nin V Beynəlxalq Media Təhsili Proqramında AZƏRTAC da təmsil olunur – FOTO

5 Dekabr saat 16:48 ~ 1 dəqiqəlik oxu 204
TRT-nin V Beynəlxalq Media Təhsili Proqramında AZƏRTAC da təmsil olunur – FOTO

Dekabrın 5-də Türkiyənin Antalya şəhərində TRT V Beynəlxalq Media Təhsil Proqramı işə başlayıb.

1news.az-ın AZƏRTAC-a istinadla verdiyi xəbərə görə, yetmiş ölkədən 162 jurnalisti bir araya gətirən bu Proqramda AZƏRTAC-ın multimedia və videoxəbər şöbəsinin müdiri Aygün Həsənova da iştirak edir.

Açılışda çıxış edən layihə rəhbəri Əkrəm Özdəmir proqramın təcrübə mübadiləsi üçün bir platforma olduğunu, treninqlər müddətində Türkiyənin 60 məşhur media mütəxəssisinin iştirakçılarla öz təcrübələrini bölüşəcəklərini diqqətə çatdırıb. O deyib: “Treninqlərdə xəbər yayımı mütəxəssisləri ilə yanaşı, Türkiyənin bir çox televiziya və özəl şirkətlərinin film və serial çəkilişləri üzrə yaradıcı qrup rəhbərləri də bacarıqları, uğurları barədə ətraflı məlumat verəcəklər”.

TRT-nin baş direktoru Erkan Durdu bu platformanın dünyanın bir çox ölkələrindən gələn media nümayəndələri üçün əlaqələr və təcrübə mübadiləsi baxımından bir vasitə olduğunu qeyd edib. Baş direktor burada TRT-nin yeni yayım texnologiyaları barədə təlim keçirildiyini, dəqiq və vicdanlı xəbərçiliyin hər zaman yüksək tutulduğunu, bunun bütün media mənsubları üçün də vacib olduğunu deyib. “Dünyada baş verən hadisələr, münaqişələrin nəticələri barədə ictimaiyyətə doğru məlumat çatdırılmasında jurnalistlərin böyük rolu var. TRT-nin əsas məqsədi proqram müddətində bu təcrübənin bəzi vacib məqamlarını iştirakçılarla bölüşməkdir”, - deyə Erkan Durdu bildirib.

Sonra TRT-nin tanıtım filmi nümayiş etdirilib.

Xatırladaq ki, TRT-nin hər il keçirdiyi beynəlxalq təhsil layihəsinə 2009-cu ildə start verilib.

S.Xankişiyeva

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net