1news.az

Teleqüllə ətrafında yeni təhlükə

19 Oktyabr saat 17:00 ~ 1 dəqiqəlik oxu 77
Teleqüllə ətrafında yeni təhlükə

Teleqüllə ətrafında olan sürüşmədən sonra iki sürüşməyə meyilli zona tapılıb, nə vaxtsa sürüşəcək.

1news.az-ın Oxu.Az-a istinadla verdiyi xəbərə görə, bunu Azərbaycan Milli Elmlər Akademiyasının Respublika Seysmoloji Xidmət Mərkəzinin direktoru Qurban Yetirmişli jurnalistlərə açıqlamasında deyib.

Onun sözlərinə görə, sürüşmə zonasında tədqiqatlar aparılır və bu proses uzun çəkəcək:

“Hazırda sürüşmənin dərinlik müstəvisini tapılmaq üçün tədqiqatlar aparılır. Sürüşmənin baş verməsi, istiqamətinin hansı tərəfə getməsini müəyyən etmək və qarşısını almaq üçün addımlar atılacaq”.

Qurban Yetirmişli qeyd edib ki, ərazidə elmi cəhətdən tədqiqat işləri aparıb:

“Dron çəkilişləri də aparılır, kompleks tədbirlər görülür. Hələ ki, üst hissədə tədqiqat aparmaq mümkün deyil. Çünki burada hələ sürüşmə prosesi davam edir. Bu işi dayandırmaq olmaz”.

Direktor qeyd edib ki, Teleqüllə ətrafında olan sürüşmədən sonra iki sürüşməyə meyilli zona tapılıb, nə vaxtsa sürüşəcək:

“Amma orada dörd ay analiz aparmışdıq. Sürüşmə prosesini öyrənmək bir günlük məsələ deyil. İlkin məlumata görə, sürüşmə 46 mert dərinlikdədir. Üst hissədə hansı dərinlikdə olması isə bilinmir”.

Qurban Yetirmişli əlavə edib ki, ölkədə zəif təkanlar mütəmadi olaraq baş verir:

 “Zəif təkanları açıqlamırıq. Xəzərdə güclü təkanlar olsa idi, sürüşmə ərazisində dağıntılar baş verərdi”.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net