Suriyada qəzaya uğrayan Rusiya təyyarəsində 39 nəfər olub - YENİLƏNİB
Suriyanın Hmeymim aeroportu yaxınlığında Rusiyanın qəzaya uğramış “An-26” təyyarəsində 6 ekipaj üzvü və 33 sərnişin olub.
1news.az AZƏRTAC-a istinadən xəbər verir ki, Rusiya Federasiyası Müdafiə Nazirliyi həlak olanların hamısının hərbi qulluqçu olduğunu bildirir. Bundan əvvəl təyyarədə 33 nəfərin olduğu barədə məlumat yayılmışdı. Nazirliyin komissiyası hadisənin bütün mümkün səbəblərini araşdırır. Həlak olanların ailə üzvlərinə zəruri kömək ediləcək.
19:31
Rusiyaya məxsus “An-26” təyyarəsi Suriyanın “Hmeymim” aviabazasına eniş edərkən qəzaya uğrayıb.
1news.az xəbər verir ki, Rusiya Müdafiə Nazirliyi hadisə nəticəsində 26 sərnişin və altı ekipaj üzvünün həlak olduğunu bildirib.
Məlumata görə, hadisəyə texniki nasazlıq səbəb ola bilər.
Qəzanın araşdırılması üçün xüsusi komissiya yaradılıb.
1news.az
