STAR Neft Emalı Zavoduna ilk neft yükü olaraq Azərbaycan nefti gətirildi - FOTO
SOCAR tərəfindən 6.3 milyard dollarlıq investisya ilə qurulan STAR Neft Emalı Zavoduna 80.000 tonluq ilk xam neft yükü Azərbycandan gəldi.
SOCAR TURKEY ENERJİ-dən verilən məlumata əsasən, fəaliyyətə başlama ərəfəsində olan zavodda açılış tarixi - oktyabr ayına qədər sınaq məqsədi ilə emal həyata keçiriləcək.
SOCAR Türkiyənin Baş Direktoru (CEO) Zaur Qəhrəmanov bildirdi ki, STAR NEZ –ə ilk xam neftin SOCAR-ın vətəni olan Azərbaycandan gətirilməsi böyük məna ifadə etməkdədir.
SOCAR tərəfindən 6.3 milyard dollarlıq investisiya ilə qurulan STAR NEZ, Türkiyədə özəl sektor tərəfindən edilən ən böyük investisiya olmaqdadır və avqust ayı etibarı ilə ilk test emalını həyata keçirməyə başladı. STAR NEZ-in fəaliyyətə başlamadan əvvəl ən vacib mərhələlərindən biri sayılan sınaq fəaliyyəti məqsədi ilə 80.000 tonluq ilk xam neft 244 metr uzunluğundakı Abşeron tankeri ilə gətirildi. Bu ilk xamneft SOCAR-ın vətəni Azərbaycandan gələn Azerilight oldu.
İlk xam neftin gəlişi münasibəti ilə təşkil olunan tədbirdə çıxış edən SOCAR Türkiyənin Baş Direktoru Zaur Qəhrəmanov, bu ilin dördüncü rübündə fəaliyyətə başlayacaq zavodun sınaq fəaliyyətinin uğurlu bir şəkildə davam etdiyini qeyd etdi.
Həmçinin Qəhrəmanov, bildirdi ki, “Dünya enerji bazarında əmin addımlarla irəliləyən SOCAR, bir çox ölkədə fəaliyyətlərini davam etdirir. Bu ölkələr arasında Türkiyə, bizim üçün çox önəmli bir yerə sahibdir. SOCAR olaraq Azərbaycan və Türkiyə iqtisadiyyatlarının inkişafına dəstək verməyə davam edəceyik. Bu çərçivədə Türkiyə dövləti ilə həyata keçirdiyimiz əməkdaşlıq bizim üçün böyük önəm və məna ifadə etməkdədir. Fürsətdən istifadə edərək, Türkiyə və Azərbaycan hökümətlərinə də buradan təşəkkürlərimi bildirirəm”.
Onu da qeyd etmək lazımdır ki, SOCAR Türkiyənin hədəfləri arasında böyük önəmə sahib olan neft-emalı və neft-kimya inteqrasyasını təmin edəcək və qrup şirkətlərindən biri olan və Türkiyənin ilk neft-kimya təsisi Petkimin xammaddə ehtiyacının tamamına yaxınını təmin edəcək STAR NEZ yeni iş yerlərinin açılmasına da töhvə verəcək. Layihənin həyata keçirilmə müddətində 19.500 içşi sayına sahib zavod, İstehsala başladığında 1100 nəfərlik yeni iş yeri təmin edəcəkdir.
1news.az
