Şri-Lankada yenidən partlayış olub

Səhər saatlarında Şri-Lankanın paytaxtı Kolombonun 37 kilometrliyində Puqoda rayonunda partlayış baş verib.

1news.az xarici mətbuata istinadla xəbər verir ki, ölən və yaralananlar barədə hələ məlumat yoxdur.

Hadisə yerində hüquq-mühafizə orqanları araşdırma aparır, ərazi nəzarətə götürülüb.

Xatırladaq ki, aprelin 21-i Şri-Lankanın Kolombo şəhərində və ölkənin digər ərazilərində Pasxa bayramı zamanı 8 partlayış törədilib. Terror aktları nəticəsində ölənlərin sayı 310 nəfərə çatıb.

Xəsarət alanların sayı isə 480 nəfər təşkil edir.

1news.az