Səfir: Kəşmir məsələsində Azərbaycandan tam dəstək gözləyirik
1947-ci ildə Pakistan və Hindistan müstəqillik əldə etdukdən sonra Kəşmirin öz müqəddəratını təyinetmə barədə BMT qətnamələri olsa da, Hindistan buna imkan vermədi. Hindistan konstitusiyasına görə, Kəşmirdə sadəcə kəşmirlilər yaşayıb, dövlət işlərində çalışa bilər, öz müqəddəratlarını təyin edə bilərlər.
1news.az xəbər verir ki, bunu Pakistanın Azərbaycandakı səfir Saeed Xan Mohmand mətbuat konfransında deyib.
O bildirib ki, bu il 5 avqust tarixində qarşı tərəf konstitusiyasındakı bu maddələri dəyişib:
“Kəşmiri də iki hissəyə bölüblər. Bu, o deməkdir ki, hindlilər Kəşmirə rahat gəlib işləyə, yaşaya bilər, Kəşmir öz bayrağlnı dalğalandıra bilməz. Məqsəd Kəşmirin demoqrafik vəziyyətini dəyişməkdir”.
Səfir deyib ki, hazırda vəziyyət belədir ki, Kəşmirdə siyasi liderlər həbsdə və ev həbsindədirlər:
"Əraziyə 38 min əlavə hərbi qüvvə gətiriblər, 600 min daha əvvəl var idi. 9 gündür komendant saatı var, telefon, internet, bütün kommunikasiya kəsilib. Hindistan tərəfindı olan Kəşmirin dünya ilə əlaqəsi kəsilib. Xəstəxanalar bağlıdır, dərman, yemək tapılmır. Qəlpəli bombalardan istifadə edirlər ki, partlayanda oyuncağa çevrilir, uşaq götürəndə dı yenidəb partlayır. Qadınların saçlarını kəsirlər.
Kəşmir yer üzündə bir cənnətdir, amma Hindistan silahlı qüvvələri hər şeyi məhv edir. Turizmi məhv ediblər. Bu, qınağa səbəb olub. Hətta Hindistandakı müxalifət partiyaları, xristian icması buna etiraz edir. Biz bu hərəkətləri qəti qınayırıq. Hindistanla diplomatik münasibətlərimiz ən aşağı səviyyəyə düçüb. 2 milyarda çatan ticarət dövriyyəmiz təxirə salınıb. Səfirimizi geri çağırmışıq, Hindistan səfiri də geri göndərilib. Sabah Hindistanın müstəqillik günüdür bix bunu qara gün elan etmişik. Kəşmirdəki bu hərəkətlər BMT nizamnaməsinə ziddir. Məqsəd Kəşmirin statusunu dəyişməkdir. Kəşmirdə vəziyyət hazırda çox acnacaqlıdır".
Səfir deyib ki, Azərbaycan XİN-də olub və nazir müavini ilə görüşüb:
"Azərbaycan İKT Kəşmir kontakt qrupun üzvüdür. Azərbaycan bizə dost, qardaş ölkədir. Biz Azərbaycandan bu barədə rəsmi qətnamə qəbul etməsini xahiş etdik. Bilirsiniz ku, biz Qarabağ məsələsində Azərbaycanı tam dəstəkləyirik və Ermənistanı dövlət kimi tanımırıq. Azərbaycandan tam dəstək gözləyirik və əminik ki, qardaş ölkə bu dəstəyi verəcək".
Pərvanə Sultanova
