Səfiri güllələyən şəxs öldürüldü - YENİLƏNİR - FOTO - VİDEO
20:55
Rusiyanın Ankaradakı səfiri Andrey Qennadiyeviç Karlova silahlı hücum edən şəxsə qarşı əməliyyat keçirilib.
1news.az Türkiyə mətbuatına istinadən xəbər verir ki, hücum edən şəxs mühafizəçi kimi sərgi keçirilən Müasir Sənət Mərkəzinə daxil olub.
İddialara görə, həmin şəxs “Suriyanın intiqamını alacağını” dedikdən sonra səfiri güllələyib.
Hadisə zamanı içəridə 70-ə yaxın şəxs olub. Silahlı şəxs daha sonra sivillərə də atəş açıb. Bir neçə yaralanın olduğu bildirilir.
Hadisədən dərhal sonra polis əməliyyat keçirib və bir neçə dəqiqəlik atışmadan sonra silahlı şəxs öldürülüb.
20:29
Rusiyanın Türkiyədəki səfiri Andrey Qennadiyeviç Karlova Ankara şəhərində silahlı hücum olub.
1news.az Türkiyə mətbuatına istinadən xəbər verir ki, Ankarada Müasir Sənət Mərkəzindəki bir rəsm sərgisində iştirak edən səfir naməlum şəxs tərəfindən güllələnib.
Səfirə 7-8 dəfə güllə atıldığı bildirilir. Məlumata görə, səfir ağır yaralı halda xəstəxanaya yerləşdirilib.
Hadisədən sonra rus rəsmilər “Hürriyət”ə açıqlama verərək hadisənin İŞİD üzvləri tərəfindən törədildiyini iddia ediblər.
Faktla bağlı yeni məlumatları təqdim edəcəyik.
Fərid Ədalət
