1news.az

Rusiyada azərbaycanlı avtoritet saxlanılıb

14 Avqust saat 16:09 ~ 1 dəqiqəlik oxu 125
Rusiyada azərbaycanlı avtoritet saxlanılıb

Rusiyanın Omsk vilayətində Azərbaycan vətəndaşı Əli Salehovun (Salehzadə) saxlanılmasını əks etdirilən kadrlar yayılıb.

1news.az-ın rus mətbuatına istinadla verdiyi xəbərə görə, Salehov region ərazisində fəaliyyət göstərən böyük cinayətkar qrupa aidiyyəti olmaqda günahlandırılır.

Güman olunur ki, həmin mütəşəkkil cinayətkar dəstə omsklu iş adamlarına təzyiq göstərib. 33 yaşlı azərbaycanlı başqa məsələ ilə polisin diqqətini cəlb edib.

Belə ki, əvvəllər Cənubi Saxalinksdə quldurluğa görə mühakimə olunub və səkkiz il həbsdə yatdıqdan sonra Azərbaycana göndərilib. Burada soyadını dəyişərək, Salehzadəyə çevrilən həmin şəxs yenidən Rusiyaya qayıdıb.

Bildirilir ki, səkkiz illik həbs cəzasından sonra Salehzadə kriminal aləmlə əlaqələr qurub. Azərbaycan vətəndaşının əlində silah dayandığı çoxsaylı fotoları var.

Bəzi məlumatlara görə, saxlanılan şəxs omsklu iş adamlarından borclarını toplayan və onlardan pul qoparan dəstənin fəaliyyətində iştirak edə bilər.

Lakin bunu sübut etmək mümkün olmasa da, sərhədi qanunsuz keçmə və narkotiklərin saxlanılmasına görə Əli Salehzadəni dörd il həbs cəzası gözləyir.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net