Rövnəq Abdullayev Abu-Dabidə keçirilən “dəyirmi masa”da iştirak edib
Ötən gün Abu-Dabidə (BƏƏ) neft şirkətlərinin rəhbərlərinin toplandığı II illik “dəyirmi masa” keçirilib.
1news.az-ın Report-a istinadla verdiyi xəbərə görə, 26 şirkətin rəhbərinin qatıldığı tədbirdə Azərbaycan Dövlət Neft Şirkətinin (SOCAR) prezidenti Rövnəq Abdullayev də iştirak edib.
"Dəyirmi masa"da enerji sektorunda təchizat və tələbin dinamikasındakı dəyişikliklər və s. aktual məsələlər müzakirə olunub.
ADNOC-un baş ofisində keçirilən "dəyirmi masa"da şirkətin rəhbəri əl Cabir bildirib ki, tədbir neft və qaz sənayesi liderlərinin fikirlərini bölüşməsi və enerji sektorunun inkişaf perspektivləri, onun təchizat və tələbə təsirinin müzakirəsi baxımından əvəzsiz imkan yaradıb.
"Dəyirmi masa"da “Saudi Aramco” şirkətinin prezidenti və baş icraçı direktoru Amin H.əl-Nasir, BP şirkətinin baş icraçı direktoru Bob Dadli, “Exxon Mobil” şirkətinin sədri Darren Vuds, “LUKoil” şirkətinin prezidenti Vahid Ələkbərov, “Statoil” şirkətinin baş icraçı direktoru Eldar Saetre, “Total” şirkətinin baş icraçı direktoru Patrik Puyanne və digər şirkətlərin rəhbərləri iştirak ediblər.
S.Xankişiyeva